Viral Video: వీరు ఇక్కడే ఇలా వుంటే.. ఇక ఇంట్లో ఎలా వుంటారో.. మెట్రో రైల్లో మహిళల నిర్వాకంపై ముక్కున వేలేసుకుంటున్న నెటిజన్లు..
ABN, First Publish Date - 2023-06-06T17:14:49+05:30
మహిళల గొడవలు చూస్తే కొన్నిసార్లు నవ్వు వస్తుంటుంది. పక్క పక్క ఇళ్లల్లో ఉండే మహిళలు.. నిత్యం గొడవలు పడడం చూస్తూనే ఉంటాం. అలాగే వీధి కొళాయిల వద్ద బిందెలతో కొట్టుకునే మహిళలనూ చాలా మందిని చూశాం. ఇలాంటి గొడవలకు సంబంధించిన వీడియోలు సోషల్ మీడియాలో తెగ వైరల్ అవుతుంటాయి. ప్రస్తుతం..
మహిళల గొడవలు చూస్తే కొన్నిసార్లు నవ్వు వస్తుంటుంది. పక్క పక్క ఇళ్లల్లో ఉండే మహిళలు.. నిత్యం గొడవలు పడడం చూస్తూనే ఉంటాం. అలాగే వీధి కొళాయిల వద్ద బిందెలతో కొట్టుకునే మహిళలనూ చాలా మందిని చూశాం. ఇలాంటి గొడవలకు సంబంధించిన వీడియోలు సోషల్ మీడియాలో తెగ వైరల్ అవుతుంటాయి. ప్రస్తుతం ఇద్దరు మహిళల గొడవకు సంబంధించిన వీడియో నెట్టింట తెగ చక్కర్లు కొడుతోంది. మెట్రో రైల్లో ఇద్దరు మహిళలు చెప్పులు, వాటర్ బాటిళ్లతో గొడవ పడడం చూసి అంతా అవాక్కవుతున్నారు. వీరు ఇక్కడే ఇలా ఉంటే.. ఇక ఇంట్లో ఎలా వుంటారో అంటూ కామెంట్లు పెడుతున్నారు.
సోషల్ మీడియాలో ఢిల్లీ మెట్రో రైలుకు (Delhi Metro Rail) సంబంధించిన వీడియో తెగ వైరల్ (Viral video) అవుతోంది. యువతులు, మహిళలతో రద్దీగా ఉన్న మెట్రో రైల్లో ఉన్నట్టుండి షాకింగ్ ఘటన చోటు చేసుకుంటుంది. ఇద్దరు మహిళల మధ్య సడన్‌గా (quarrel between women గొడవ మొదలవుతుంది. ఓ మహిళ తన షూ తీసుకుని దాడికి దిగగా.. మరో మహిళ తన వద్ద ఉన్న వాటర్ బాటిల్‌తో ఎదురుదాడికి యత్నిస్తుంది. ఇద్దరూ ఎదురెదుగా నిల్చుని ఢీ అంటే ఢీ అన్నట్లుగా పోటీకి సిద్ధమవుతారు. దీంతో పక్కన ఉన్న మహిళలంతా షాక్ అవుతారు.
కొందరు కలుగజేసుకుని వారిని పక్కకు లాగేందుకు ప్రయత్నిస్తారు. అయినా వారు మాత్రం తగ్గేదే లే.. అన్నట్లుగా గొడవకు సిద్ధపడుతుంటారు. కొద్ది సేపటి తర్వాత ఓ మహిళ కోపంతో.. బాటిల్ లోని నీళ్లను ఎదుటి మహిళపై చల్లుతుంది. దీంతో పక్కన కూర్చున వారు.. మనకు ఎందుకొచ్చిన గొడవ.. అన్నట్లుగా అక్కడి నుంచి లేచి వెళ్లిపోతారు. కాగా, ఈ ఘటనకు సంబంధించిన వీడియో సోషల్ మీడియాలో తెగ వైరల్ అవుతోంది. దీనిపై నెటిజన్లు ఫన్నీ కామెంట్లు పెడుతున్నారు. ‘‘రాజీవ్‌చౌక్ స్టేషన్‌ పేరుని కురుక్షేత్ర స్టేషన్‌గా మార్చాలి’’.. అని కొందరు, ‘‘వీళ్ల భర్తల పరిస్థితి తలుకుంటే బాధేస్తోంది’’.. అని మరికొందరు, ఫన్నీ ఎమోజీలు పెడుతూ కామెంట్లు చేస్తున్నారు.
Updated Date - 2023-06-06T17:20:17+05:30 IST