కదులుతున్న వాహనాల ఎంట్రీ డోర్ దగ్గర నిలబడుకున్నప్పుడు చాలా జాగ్రత్తగా ఉండాలి. ఏ కొద్ది పాటి నిర్లక్ష్యం చేసినా పెద్ద మూల్యం చెల్లించుకోవాల్సి ఉంటుంది. కానీ నేటి తరం యువతీయువకులు థ్రిల్లింగ్ పేరుతో ప్రాణాలను రిస్క్ లో పెడుతుంటారు. ఓ యువతి అదే పని చేసింది. ఆమె రన్నింగ్ లో ఉన్న రైలు ఎంట్రీ డోర్ దగ్గర నిలబడి సినిమా స్టైల్ లో పోజ్ ఇస్తూ స్టంట్ చేస్తోంది. కానీ ఉన్నట్టుండి అక్కడ చోటు చేసుకున్న సంఘటన అందరినీ షాక్ కు గురిచేస్తోంది. ఈ మహిళకు సంబంధించిన వీడియో ఇప్పుడు నెట్టింట్లో వైరల్ అవుతోంది. ఈ వీడియో చూసిన నెటిజన్లు విస్తుపోతున్నారు. ఇలాంటి సాహాసాలు అవసరమా తల్లీ.. అని ఆమె మీద మండిపడుతున్నారు. ఈ వీడియో గురించి పూర్తీ వివరాల్లోకి వెళితే..

ఆ మధ్యన వచ్చిన ప్రభాస్ సినిమా రాధేశ్యామ్(Prabhas movie Radheshyam) అందరికీ గుర్తుండే ఉంటుంది. సినిమా గురించి అటుంచితే అందులో ట్రైన్ సీన్(Radhe shyam train scene) సినిమాలో హైలెట్ గా నిలిచింది. సినిమాలో పూజా హేగ్దే రన్నింగ్ అవుతున్న ట్రైన్ నుండి తాడు సహాయంతో కిందకు జాలువారుతూ ఆ భయంకర సందర్భాన్ని చాలా ఎంజాయ్ చేస్తుంది. నిజానికి ఇలాంటి సాహసాలు నిపుణుల పర్యవేక్షణలో సేఫ్టీ గేర్ సపోర్ట్ తో మాత్రమే చేస్తుంటారు. కానీ అవేవీ లేకుండా సాహసాలు చేయడం, ముందు వెనుకా చూసుకోకుండా నిర్లక్ష్యంగా ఉండటం ప్రాణాలకే ముప్పు తెస్తుంది. వీడియోలో ఓ ఫారన్ యువతి రన్నింగ్ అవుతున్న ట్రైన్ డోర్ వద్ద నిలబడుకుని ఉంది. ట్రైన్ చాలా వేగంగా రన్ అవుతోంది. మరొకరవైపు ఆమె ఎడమ చేతిని, ఎడమ కాలిని ట్రైన్ బయటకు చాచి కేవలం కుడి కాలు, కుడి చెయ్యి మాత్రమే ట్రైన్ లో ఉంచి ఈ సాహసం చేస్తోంది. ఆమె ఇలా చేస్తోంటే ఆమె స్నేహితులు ఈ దృశ్యాన్ని రికార్డ్ చేస్తున్నారు. వీరిద్దరు ఈ రీల్ లో మునిగిపోయి ఉండగా ఆ ట్రైన్ వెళుతున్న దారిలో ఓ కరెంట్ స్థంభం ఆమెకు ఎదురైంది. దాన్ని గమనించుకుని ఆమె ఒక్కసారిగా కాస్త ముందుకు రావడంతో క్షణాలలో ప్రమాదం తప్పింది. లేకపోతే ఆమె అప్పుడే అక్కడికక్కడే తల బ్రద్దలై చనిపోయేది.

Viral Video: ఆ తల్లి మనసు చిన్నపిల్లలా మారిపోయింది.. పుట్టినరోజుకు కొడుకు బహుమతి ఇస్తే ఆమె రియాక్షన్ ఇదీ..

ఈ వీడియోను CCTV IDIOTS అనే ట్విట్టర్ ఎక్స్ (Twitter X) అకౌంట్ నుండి షేర్ చేశారు. ఈ వీడియో చూసిన నెటిజన్లు ఈ యువతి చేసిన పనికి విస్తుపోతున్నారు. 'అలాంటి సాహసాలు ఎందుమ్మా తల్లీ' అని ఆమె మీద మండిపడుతున్నారు. 'అదృష్టం బాగుంది అందుకే దేవుడు మరొక ఛాన్స్ ఇచ్చాడు' అని ఇంకొకరు అన్నారు. 'అంత ప్రమాదం జరిగినా ఆమె లోపలికి వెళ్లకుండా అక్కడే ఉండిపోయింది. ఎంత నిర్లక్ష్యమో' అని మరొకరు కామెంట్ చేశారు.

ATM Card: మీ ఏటీఎం కార్డులపై Visa, Maestro అనే పదాలను గమనించారా..? అసలు వాటి అర్థమేంటంటే..!