Viral Video: లోయలో ఊయల ఊగుతున్న యువతులు.. యువకుడి అత్యుత్సాహంతో చివరకు ఏమైందంటే..
ABN, First Publish Date - 2023-03-14T21:18:26+05:30
ప్రకృతి అందాల మధ్యలో పక్షిలా గాల్లో విహరిస్తూ ఉంటే ఎలా ఉంటుందో ప్రత్యేకంగా చెప్పాల్సిన పని లేదు. అలాగే వేల అడుగుల ఎత్తులో అందమైన కొండల మధ్య, లోయల ఊయల ఊగితే ఇంకెలా ఉంటుందీ అంటే.. అద్భుతం అని ప్రతి ఒక్కరూ అంటారు. అయితే..
ప్రకృతి అందాల మధ్యలో పక్షిలా గాల్లో విహరిస్తూ ఉంటే ఎలా ఉంటుందో ప్రత్యేకంగా చెప్పాల్సిన పని లేదు. అలాగే వేల అడుగుల ఎత్తులో అందమైన కొండల మధ్య, లోయల ఊయల ఊగితే ఇంకెలా ఉంటుందీ అంటే.. అద్భుతం అని ప్రతి ఒక్కరూ అంటారు. అయితే ఇలాంటి ఆనందకర సమయంలో ఏమాత్రం నిర్లక్ష్యం వహించినా.. ఊహించని ప్రమాదాలు చోటు చేసుకునే అవకాశం ఉంటుంది. ఇలాంటి అనూహ్య ఘటనలకు సంబంధించిన వీడియోలు సోషల్ మీడియాలో తెగ వైరల్ అవుతుంటాయి. ప్రస్తుతం లోయలో ఊయల ఊగుతున్న యువతుల వీడియో తెగ వైరల్ అవుతోంది. యువతులు ఊయల ఊగుతుండగా.. యువకుడి అత్యుత్యాహంతో చివరకు ఏమైందంటే..
సోషల్ మీడియాలో యువతులకు సంబంధించిన వీడియో ఒకటి తెగ చక్కర్లు (Viral videos) కొడుతోంది. రష్యాలో (Russia) చాలా కాలం క్రితం చోటు చేసుకున్న ఈ ఘటనకు సంబంధించిన వీడియో.. ప్రస్తుతం నెట్టింట ట్రెండింగ్‌గా మారింది. పర్యాటకులను ఆకట్టుకునేందుకు సుమారు 6300 అడుగుల ఎత్తైన కొండ మీద ఊయల ఏర్పాటు చేశారు. పక్కనే లోయ ఉండడంతో ఊయల ఊగిన వారికి లోయల దూకిన అనుభూతి కలుగుతుంది. కాగా, ఇద్దరు యువతులు (young women) అందరిలాగే ఊయల ఊగుతూ ఉంటారు. పక్కనే నిలబడ్డ యువకుడు ఊయలను (Swinging) ఊపుతూ ఉంటాడు. అయితే సదరు వ్యక్తి.. కాస్త అత్యుత్సాహంతో మరింత గట్టిగా ఊపేస్తాడు.
ఊయల వేగంగా కదులుతుండడంతో యువతులు కూడా ఎంజాయ్ చేస్తూ ఉంటారు. అయితే కొద్ది సేపటి తర్వాత ఆ వ్యక్తి ఊయలను మరింత గట్టిగా ఊపేందుకు ప్రయత్నిస్తాడు. దీంతో ఒక్కసారిగా అదుపు తప్పిన ఊయల ఇనుప రాడ్డుకు తగులుతుంది. ఓ వైపు చైన్ తెగిపోవడంతో ఇద్దరు యువతులు లోయలో పడిపోతారు. దీంతో అక్కడున్న వారంతా ఒక్కసారిగా షాక్ అవుతారు. అయితే అదృష్టవశాత్తు ఇద్దరూ స్వల్ప గాయాలతో బయటపడడంతో అంతా ఊపిరి పీల్చుకుంటారు. ప్రస్తుతం ఈ వీడియో వైరల్‌గా మారింది. దీనిపై నెటిజన్లు వివిధ రకాలుగా కామెంట్లు పెడుతున్నారు. ఇంకెందుకు ఆలస్యం మీరూ ఓ లుక్కేయండి మరి..
Updated Date - 2023-03-14T21:18:26+05:30 IST