IPL 2023: ధోనీ ఖాతాలో మరో రికార్డు.. ఈసారి బరిలోకి దిగకుండానే!
ABN, First Publish Date - 2023-03-31T20:32:33+05:30
క్రికెట్ ప్రేమికులు ఎప్పుడెప్పుడా అని ఎదురుచూస్తున్న ఐపీఎల్-2023
అహ్మదాబాద్: క్రికెట్ ప్రేమికులు ఎప్పుడెప్పుడా అని ఎదురుచూస్తున్న ఐపీఎల్-2023 ప్రారంభమైంది. అహ్మదాబాద్‌లోని నరేంద్రమోదీ స్టేడియం(Narendra Modi Stadium)లో గుజరాత్ టైటాన్స్(Gujarat Titans)-చెన్నై సూపర్ కింగ్స్(Chennai Super Kings) జట్ల మధ్య తొలి మ్యాచ్ జరుగుతోంది. ఈ మ్యాచ్‌లో క్రీజులోకి దిగడానికి ముందే చెన్నై సారథి మహేంద్రసింగ్ ధోనీ(Mahendra Singh Dhoni) సరికొత్త రికార్డును తన పేర రాసుకున్నాడు.
ప్రస్తుతం ధోనీ వయసు 41 సంవత్సరాల 267 రోజులు. ఫలితంగా ఐపీఎల్(IPL 2023) చరిత్రలోనే అత్యంత పెద్ద వయస్కుడైన కెప్టెన్‌గా రికార్డులకెక్కాడు. ఇప్పటి వరకు ఈ రికార్డు ఆస్ట్రేలియా దివంగత లెజెండ్ షేన్ వార్న్(Shane Warne) పేరున ఉంది. వార్న్ 41 ఏళ్ల 249 ఏళ్ల వయసులో రాజస్థాన్ రాయల్స్‌(Rajasthan Royals)కు కెప్టెన్‌గా వ్యవహరించాడు. ఇప్పుడా రికార్డును ధోనీ చెరిపేశాడు.
Updated Date - 2023-03-31T20:33:42+05:30 IST