IRE vs IND: మ్యాచ్‌కు వరుణుడి ఆటంకం.. తొలి టీ20లో భారత్ గెలుపు
ABN, First Publish Date - 2023-08-19T00:00:56+05:30
లి టీ20(First T20)లో టీం ఇండియా(Team India) గెలుపొందింది. మూడు టీ20 మ్యాచ్‌ల సిరీస్‌లో భాగంగా ఐర్లాండ్(Ireland)తో భారత్ తలపడింది. వర్షం(Rain) అంతరాయంతో మ్యాచ్‌కు ఆటంకం ఏర్పడింది.
డబ్లిన్‌: తొలి టీ20(First T20)లో టీం ఇండియా(Team India) గెలుపొందింది. మూడు టీ20 మ్యాచ్‌ల సిరీస్‌లో భాగంగా ఐర్లాండ్(Ireland)తో భారత్ తలపడింది. వర్షం(Rain) అంతరాయంతో మ్యాచ్‌కు ఆటంకం ఏర్పడింది. వర్షం పడుతుండడంతో భారత్ డక్వర్త్ లూయిస్‌ ప్రకారం రెండు పరుగుల తేడాతో ఐర్లాండ్‌‌‌ని ఓడించింది. తొలుత ఐర్లాండ్ 7 వికెట్ల నష్టానికి 139 పరుగులు చేసింది. ఈ లక్ష్యఛేదనలో ఇండియా ఓపెనర్లు యశస్వి జైస్వాల్‌ (24), రుతురాజ్‌ గైక్వాడ్ (19) ఓరిలోకి దిగారు.
వీరిద్దరూ నిలకడగా ఆడడంతో పవర్‌ ప్లే ముగిసేసరికి భారత్ 45/0తో నిలిచింది. క్రెయిగ్ యంగ్ వేసిన ఏడో ఓవర్లో యశస్వి, తిలక్ వర్మ(Tilak Verma) (0) వరుస బంతుల్లో ఔటయ్యారు. 6.5 ఓవర్లు ఆట పూర్తయిన తర్వాత వాన పడుతుండడంతో ఆటను నిలిపివేశారు. అప్పటికి భారత్ 47/2 స్కోరుతో ఉంది. తర్వాత వర్షం ఎంతకీ తగ్గకపోవడంతో డక్వర్త్ లూయిస్‌ ప్రకారం రెండు పరుగుల ముందంజలో ఉన్న భారత్‌ను విజేతగా ప్రకటించారు. కాగా రెండో టీ20 ఆదివారం జరగనుంది.
Updated Date - 2023-08-19T00:04:04+05:30 IST