Mohammed Siraj: ఎంతైనా మన సిరాజ్ మనస్సు బంగారం
ABN, First Publish Date - 2023-07-09T12:55:23+05:30
హైదరాబాదీ పేసర్ మహ్మద్ సిరాజ్ తన మంచి మనస్సును చాటుకున్నాడు. ప్రస్తుతం వెస్టిండీస్‌లో పర్యటిస్తున్న భారత జట్టులో సభ్యుడిగా ఉన్న సిరాజ్ స్థానిక ఆటగాళ్లకు తన బ్యాట్, షూస్‌ను బహుమతిగా అందించాడు. దీంతో సిరాజ్‌పై అంతటా ప్రశంసలు కురుస్తున్నాయి.
హైదరాబాదీ పేసర్ మహ్మద్ సిరాజ్ తన మంచి మనస్సును చాటుకున్నాడు. ప్రస్తుతం వెస్టిండీస్‌లో పర్యటిస్తున్న భారత జట్టులో సభ్యుడిగా ఉన్న సిరాజ్ స్థానిక ఆటగాళ్లకు తన బ్యాట్, షూస్‌ను బహుమతిగా అందించాడు. దీంతో సిరాజ్‌పై అంతటా ప్రశంసలు కురుస్తున్నాయి. ప్రస్తుతం భారత జట్టు వెస్టిండీస్‌లో పర్యటిస్తోంది. ఈ పర్యటనలో భాగంగా కరేబియన్ జట్టుతో 2 టెస్టులు, 3 వన్డేలు, 5 టీ20లు ఆడనుంది. టెస్ట్ సిరీస్‌లో భాగంగా మొదటి టెస్ట్ మ్యాచ్ ఈ నెల 12 నుంచి మొదలు కానుంది. దీంతో 2 వారాల ముందుగానే వెస్టిండీస్‌లో అడుగుపెట్టిన టీమిండియా బార్బడోస్‌లో ప్రాక్టీస్ చేసింది.
కాగా టీమిండియా ఆటగాళ్లు ప్రాక్టీస్ చేసేందుకు బార్బడోస్‌లోని స్థానిక ఆటగాళ్లు సహకరించారు. ఈ క్రమంలో భారత ఆటగాళ్లను చూడడానికి స్థానిక అభిమానులు కూడా అక్కడి వచ్చారు. అయితే శనివారం బార్బడోస్‌లో ప్రాక్టీస్ ముగించుకుని మొదటి టెస్ట్ మ్యాచ్ అయిన డొమినికాకు భారత జట్టు వెళ్లింది. అయితే అక్కడి నుంచే వెళ్లే క్రమంలో తమ ప్రాక్టీస్‌కు సహకరించిన స్థానిక ఆటగాళ్లకు భారత ఆటగాళ్లు ఆటలోని మెళకువలు చెప్పారు. అంతేకాకుండా స్థానిక ఆటగాళ్లతోపాటు అక్కడికి వచ్చిన అభిమానులకు భారత ఆటగాళ్లు ఆటోగ్రాఫ్‌లు ఇచ్చారు. సెల్ఫీలు కూడా ఇచ్చారు. ఈ క్రమంలోనే మన హైదరాబాదీ బౌలర్ మహ్మద్ సిరాజ్ అయితే స్థానిక ఆటగాళ్లకు తన బ్యాట్, షూస్ బహుమతిగా ఇచ్చి తన మంచి మనస్సును చాటుకున్నాడు. దీనికి సంబంధించిన వీడియోను బీసీసీఐ తన ట్విట్టర్ ఖాతాలో పోస్ట్ చేయగా సోషల్ మీడియాలో వైరల్‌గా మారింది. దీంతో మన సిరాజ్ మనస్సు బంగారం అంటూ అభిమానులు ప్రశంసలు కురిపిస్తున్నారు. ఆ తర్వాత స్థానిక ఆటగాళ్లతో టీమిండియా ఆటగాళ్లంతా సరాదాగా సంభాషించారు. అనంతరం మ్యాచ్ వేదికైనా డొమినికాకు వెళ్లిపోయారు.
భారత టెస్టు జట్టు: రోహిత్ శర్మ (కెప్టెన్), శుభ్‌మన్ గిల్, రుతురాజ్ గైక్వాడ్, విరాట్ కోహ్లీ, యశస్వి జైస్వాల్, అజింక్యా రహానే (వైస్ కెప్టెన్), కేఎస్ భరత్ (వికెట్ కీపర్), ఇషాన్ కిషన్ (వికెట్ కీపర్), రవిచంద్రన్ అశ్విన్, రవీంద్ర జడేజా, శార్దూల్ ఠాకూర్, అక్షర్ పటేల్, మొహమ్మద్. సిరాజ్, ముఖేష్ కుమార్, జయదేవ్ ఉనద్కత్, నవదీప్ సైనీ.
Updated Date - 2023-07-09T12:59:47+05:30 IST