3rd test: ఫస్ట్ ఇన్నింగ్స్‌లో 33 ఓవర్లకే టీమిండియా ఆలౌట్.. 20 పరుగుల స్కోరు దాటింది ఇద్దరే.. స్కోరెంతంటే..
ABN, First Publish Date - 2023-03-01T13:16:26+05:30
బోర్డర్-గవాస్కర్ ట్రోఫీ 2023లో (Border-Gavaskar Trophy2023) అత్యంత కీలకమైన మూడవ టెస్ట్‌లో భారత బ్యాట్స్‌మెన్ తడబడ్డారు....
ఇండోర్: బోర్డర్-గవాస్కర్ ట్రోఫీ 2023లో (Border-Gavaskar Trophy2023) అత్యంత కీలకమైన మూడవ టెస్ట్‌లో భారత బ్యాట్స్‌మెన్ తడబడ్డారు. మొదటి ఇన్నింగ్స్‌లో కేవలం 109 పరుగులకే ఇండియా ఆలౌట్ అయ్యింది. కేవలం 33.2 ఓవర్లలో భారత తొలి ఇన్నింగ్స్ ముగిసింది. ఇండియా బ్యాట్స్‌మెన్లలో కేవలం ఇద్దరంటే ఇద్దరే 20 పరుగులకుపైగా స్కోరు చేశారు. 22 పరుగులు చేసిన కింగ్ కోహ్లీ టాప్ స్కోరర్‌గా నిలవగా.. 21 పరుగులు చేసిన శుభ్‌మన్ గిల్ సెకండ్ టాప్ స్కోరర్‌గా నిలిచాడు. రోహిత్ శర్మ (12), చతేశ్వర పుజారా (1), రవీంద్ర జడేజా (4), శ్రేయస్ అయ్యర్ (0), శ్రీకర్ భరత్ (17), అశ్విన్ (3), ఉమేష్ యాదవ్ (17), సిరాజ్(0), అక్షర్ పటేల్ (12 నాటౌట్) చొప్పున పరుగులు చేశారు.
కాగా స్పిన్నర్లకు అనుకూలంగా ఇండోర్ పిచ్‌పై ఆస్ట్రేలియా లెఫ్ట్ ఆర్మ్ స్పిన్నర్ మ్యాథ్యూ కుహ్నేమాన్ రెచ్చిపోయాడు. ఏకంగా 5 వికెట్లు తీసి భారత బ్యాటింగ్ నడ్డి విరిచాడు. ఇక లియోన్‌ 3 వికెట్లు, ముర్ఫీ ఒక వికెట్ తీయగా ఒక వికెట్ రనౌట్ రూపంలో ఆసీస్‌కు లభించింది.
కాగా మొదటి ఇన్నింగ్స్ ఆరంభించిన ఆస్ట్రేలియా 12 పరుగుల వద్ద తొలి వికెట్ కోల్పోయింది. స్పిన్నర్ జడేజా బౌలింగ్‌లో ఆసీస్ ఓపెనర్ హెడ్.. ఎల్బీడబ్ల్యూగా వెనుదిరిగాడు. కాగా6 ఓవర్లు ముగిసేసరికి ఆస్ట్రేలియా స్కోరు 24/1గా ఉంది. కాగా నాలుగు టెస్టుల సిరీస్‌లో భారత్‌ ఇప్పటికే 2-0 ఆధిక్యంలో ఉంది. దీంతో బోర్డర్-గవాస్కర్ ట్రోఫీ చేజారుతుందన్న బెంగే లేదు. కానీ ప్రస్తుతం రోహిత్ సేన ముందు మరో లక్ష్యం ఉంది. అదే.. జూన్‌లో జరిగే వరల్డ్ టెస్టు చాంపియన్‌షిప్ (డబ్ల్యూటీసీ) ఫైనల్లో చోటు. దీన్ని అందుకునేందుకు భారత జట్టు కేవలం గెలుపు దూరంలో ఉంది. అందుకే వరుస విజయాల జోష్‌లో ఉన్న టీమిండియా.. ఇండోర్ టెస్టులో గెలవాలని భావిస్తోంది. మరి ఈ మ్యాచ్‌లో విజయం ఎవరిని వరిస్తుందో వేచిచూడాలి.
Updated Date - 2023-03-01T13:23:16+05:30 IST