CM KCR: కురవి వీరభద్రస్వామి దయ వల్ల తెలంగాణ కల సాకారం అయింది
ABN, First Publish Date - 2023-11-21T17:56:42+05:30
కురవి వీరభద్రస్వామి దయ వల్ల తెలంగాణ కల సాకారం అయిందని.. ఇక్కడ మొక్కులను కూడా చెల్లించుకున్నానని సీఎం కేసీఆర్ ( CM KCR ) వ్యాఖ్యానించారు.
మహబూబాబాద్ : కురవి వీరభద్రస్వామి దయ వల్ల తెలంగాణ కల సాకారం అయిందని.. ఇక్కడ మొక్కులను కూడా చెల్లించుకున్నానని సీఎం కేసీఆర్ ( CM KCR ) వ్యాఖ్యానించారు. మంగళవారం నాడు డోర్నకల్ నియోజకవర్గం మరిపెడలో ప్రజా ఆశీర్వాద సభ నిర్వహించారు. ఈ సభలో కేసీఆర్ మాట్లాడుతూ...‘‘ఈ ఎన్నికల్లో ప్రజలు అభ్యర్థుల గుణ గణాలను చూడాలి. బీఆర్ఎస్ పార్టీ పుట్టిందే తెలంగాణ సాకారం కోసం. 50 ఏళ్ల కాంగ్రెస్ పార్టీ తెలంగాణ కోసం ఏం చేసింది..?? పేదలకు ఇచ్చే పెన్షన్ 5000 వేలు చేయబోతున్నాం. వెన్నారం కాలువను అభివృద్ధి చేసుకుంటే డోర్నకల్ సస్యశ్యామలం అవుతుంది.50 ఏళ్ల కాంగ్రెస్ పాలనలో కంటి వెలుగు పథకాన్ని తెచ్చారా..??రైతు బందు దుబారా అని కాంగ్రెస్ బాహాటంగానే చెప్తోంది. 24 గంటల కరెంటు వద్దని ఉత్త కుమార్‌రెడ్డి చెబుతున్నాడు.10hp మోటార్ రైతులు వాడుతున్నారా..30లక్షల రైతులకు 10hp మోటార్లు పెడితే ఎంత ఖర్చు అవుతుంది..??కర్ణాటకలో 5 గంటల కరెంటు అని ఓ సన్నాసి చెప్పిండు..ఇక్కడ 24 గంటల కరెంటు ఇస్తున్నాం. కాంగ్రెస్ ప్రభుత్వం వస్తే ధరణిని బంగాళాఖాతంలో వేస్తాం. అని కాంగ్రెస్ నేతలు అంటున్నారు.. కానీ మేము మీ భూమి మీద హక్కును మీకే ఇచ్చే కార్యక్రమం చేశా. సీనియర్ నాయకుడు రెడ్యా నాయక్‌ను గెలిపించాలి’’ అని కేసీఆర్ పిలుపునిచ్చారు.
Updated Date - 2023-11-21T17:56:43+05:30 IST