Tummala: అలాంటి వారిని మహిళలే చెప్పుతో కొడతారు
ABN, First Publish Date - 2023-11-07T11:14:42+05:30
కాంగ్రెస్ అభ్యర్థి తుమ్మల నాగేశ్వరరావు ప్రచారంలో దూసుకుపోతున్నారు.
ఖమ్మం: కాంగ్రెస్ అభ్యర్థి తుమ్మల నాగేశ్వరరావు (Congress candidate Tummala Nageswara Rao) ప్రచారంలో దూసుకుపోతున్నారు. ప్రతీ రోజు రోడ్‌ షోలు నిర్వహిస్తూ బీఆర్‌ఎస్ పాలనపై విరుచుకుపడుతున్నారు. ఈరోజు (మంగళవారం) 44వ డివిజన్‌లో తుమ్మల రోడ్‌షో నిర్వహించగా.. భారీగా కాంగ్రెస్ శ్రేణులు పాల్గొన్నారు. ఈ సందర్భంగా తుమ్మల మాట్లాడుతూ.. ఈ ఎన్నికల్లో కాంగ్రెస్ గెలుపుకు మహిళలే రథసారధులన్నారు. ఇందిరమ్మ రాజ్యం కోసం మహిళలు కథం తొక్కాలని పిలుపునిచ్చారు. ఖమ్మంలో అరాచక ప్రభుత్వం, పోలీస్ రాజ్యం తరమికొట్టాలన్నారు. అధికారంతో బెదిరించే వారిని మహిళలే చెప్పుతో కొడతారన్నారు. ఉద్యోగస్తులపై అక్రమ కేసులు నమోదు చేసి వేధిస్తున్నారని మండిపడ్డారు. అక్రమ కేసులు అవినీతి రాజ్యంపై ఖమ్మం రగిలిపోతుందని తెలిపారు. ఇంత దారుణమైన రాజ్యం ఖమ్మంలో ఎన్నడూ చూడలేదన్నారు. కాంగ్రెస్ పాలనతోనే ఖమ్మంలో ప్రశాంత ఖమ్మం రాబోతోందని తుమ్మల నాగేశ్వరరావు పేర్కొన్నారు.
Updated Date - 2023-11-07T11:25:07+05:30 IST