Harish Rao: జనంలో ఉండే ఎమ్మెల్యే కావాలా.. హైదరాబాద్‌లో ఉండే ఎమ్మెల్యేనా అని జగ్గారెడ్డిపై మంత్రి హరీశ్ ఫైర్
ABN, First Publish Date - 2023-11-23T17:28:33+05:30
జనంలో ఉండే ఎమ్మెల్యే కావాలా.. హైదరాబాద్‌లో ఉండే ఎమ్మెల్యేనా అని జగ్గారెడ్డిపై మంత్రి హరీశ్‌‌రావు ( Minister Harish Rao ) తీవ్ర ఆగ్రహం వ్యక్తం చేశారు.
సంగారెడ్డి: జనంలో ఉండే ఎమ్మెల్యే కావాలా.. హైదరాబాద్‌లో ఉండే ఎమ్మెల్యేనా అని జగ్గారెడ్డిపై మంత్రి హరీశ్‌‌రావు ( Minister Harish Rao ) తీవ్ర ఆగ్రహం వ్యక్తం చేశారు. గురువారం నాడు సంగారెడ్డిలో గౌడ సంఘం ఆత్మీయ సమ్మేళనం జరిగింది. ఈ సమ్మేళనంలో మంత్రి హరీశ్ పాల్గొని మాట్లాడుతూ...‘‘జగ్గారెడ్డి గత ఎన్నికల్లో ఎమ్మెల్యేగా గెలిచి హైదరాబాద్‌లో ఉన్నాడు... ఓడిపోయినా చింతా ప్రభాకర్ జనాలతోనే ఉన్నాడు. ఈ ఐదేళ్లలో జగ్గారెడ్డి ఒక్క ఊరు కూడా తిరగలేదు. పని చేసే వారిని ఈ ఎన్నికల్లో దీవించండి. కేసీఆర్ వచ్చాక చెట్టుకి పన్ను రద్దు చేశాం. కాంగ్రెస్ ప్రభుత్వంలో నెల నెల మామూళ్లు కట్టాలి. కానీ కల్లు డిపోల వైపు కళ్లెత్తి చూడకుండా కేసీఆర్ ప్రభుత్వం చేసింది. రాబోయే రోజుల్లో గీతా కార్మికులకు లునాలు ఇప్పిస్తాం. 3 కోట్లతో ట్యాంక్ బండ్‌పై సర్దార్ పాపన్న‌గౌడ్ విగ్రహం పెడుతున్నాం’’ అని మంత్రి హరీశ్‌‌రావు తెలిపారు.
Updated Date - 2023-11-23T17:28:34+05:30 IST