KTR: కోహ్లీ సెంచరీ కొట్టినట్టు మనం కూడా సెంచరీ కొట్టాలి
ABN, First Publish Date - 2023-11-18T20:49:06+05:30
కోహ్లీ సెంచరీ కొట్టినట్టు మనం సెంచరీ కొట్టాలంటే నాంపల్లిలో కూడా గెలవాలని బీఆర్ఎస్ పార్టీ వర్కింగ్ ప్రెసిడెంట్, మంత్రి కల్వకుంట్ల తారకరామారావు ( Minister KTR ) అన్నారు.
హైదరాబాద్: కోహ్లీ సెంచరీ కొట్టినట్టు మనం సెంచరీ కొట్టాలంటే నాంపల్లిలో కూడా గెలవాలని బీఆర్ఎస్ పార్టీ వర్కింగ్ ప్రెసిడెంట్, మంత్రి కల్వకుంట్ల తారకరామారావు ( Minister KTR ) అన్నారు. శనివారం నాడు నాంపల్లిలో కేటీఆర్ రోడ్ షో నిర్వహించారు. ఈ సందర్భంగా కేటీఆర్ మాట్లాడుతూ..‘‘తొమ్మిదన్నరేళ్లలో ఒక్కరోజు కూడా తెలంగాణలో కర్ఫ్యూ లేదు. బీఆర్ఎస్ పార్టీ సంక్షేమ పథకాలు ఇంటింటికీ చేరాయి. జన్ దన్ ఖాతా తెరవండి 15 లక్షలు ఇస్తామని మోదీ అన్నాడు అవి ఒక్కరికీ కూడా పడలేదు. బీజేపీ ప్రభుత్వం ఎక్కడ ఉన్నా కుల మతాల పేరుతో ప్రజల్లో గొడవలు పెడతారు. సీఎం కేసీఆర్ అన్ని మతాలను, కులాలను సమానంగా చూస్తారు. దేశంలో ఎక్కడా లేనివిధంగా మైనార్టీలకు బడ్జెట్ కేటాయించాము. హైదరాబాద్ లాంటి నగరం దేశంలో ఎక్కడా లేదు. 24 గంటల కరెంట్ ఇచ్చాము తాగు నీటి సమస్య లేకుండా చూశాం.70 కి.మి మెట్రో పూర్తి చేశాము. ఇంకా 400 కి.మి పూర్తి చేస్తాం. హైదరాబాద్ ప్రశాంతంగా ఉంటేనే పెట్టుబడులు వస్తాయి. పనిచేసే ప్రభుత్వానికి పని చేసే ముఖ్యమంత్రికి పట్టం కట్టండి కారు గుర్తుకు ఓటు వేసి బీఆర్ఎస్ పార్టీని గెలిపించండి’’ అని కేటీఆర్ పిలుపునిచ్చారు.
Updated Date - 2023-11-18T20:49:10+05:30 IST