Niranjan Reddy: చేసిన పనులపై తృప్తి ఉంది... ఎన్నికల ఫలితాలపై మంత్రి నిరంజన్
ABN, First Publish Date - 2023-12-03T13:07:49+05:30
Telangana Result: తెలంగాణ ఎన్నికల ఫలితాలపై మంత్రి, వనపర్తి బీఆర్‌ఎస్ అభ్యర్థి నిరంజన్ రెడ్డి స్పందించారు. తెలంగాణ ఎన్నికల్లో కాంగ్రెస్ విజయదుందుభి మోగిస్తోంది.
వనపర్తి: తెలంగాణ ఎన్నికల ఫలితాలపై మంత్రి, వనపర్తి బీఆర్‌ఎస్ అభ్యర్థి నిరంజన్ రెడ్డి స్పందించారు. తెలంగాణ ఎన్నికల్లో కాంగ్రెస్ విజయదుందుభి మోగిస్తోంది. వనపర్తిలో 13వ రౌండ్ ముగిసే సమయానికి మంత్రి నిరంజన్ రెడ్డిపై కాంగ్రెస్ అభ్యర్థి మేఘారెడ్డి 12343 ఓట్ల ఆధిక్యతతో ఉన్నారు. ఈ క్రమంలో మంత్రి నిరంజన్‌రెడ్డి మీడియాతో మాట్లాడుతూ.. పనులు చేసిన చోట.. చేయని చోట ప్రజలు ఒకే విధంగా స్పందించారన్నారు. వందేళ్ల భవిష్యత్ కోసం పనులు చేశానని చెప్పుకొచ్చారు. 9 ఏళ్లు ప్రజలు తమకు సంపూర్ణ మద్దతు ఇచ్చారని మంత్రి నిరంజన్‌రెడ్డి పేర్కొన్నారు. వనపర్తిలో కాంగ్రెస్ గెలుపు దిశగా వెళ్తుండటంతో మంత్రి నిరంజన్‌రెడ్డి కౌంటింగ్ కేంద్రం నుంచి వెనుదిరిగారు.
Updated Date - 2023-12-03T13:07:50+05:30 IST