Pawan Kalyan: తెలంగాణలో డబుల్ ఇంజన్ సర్కార్ రావాలి
ABN, First Publish Date - 2023-11-23T15:36:46+05:30
అన్నిరంగాల్లో వెనుకబడిన తెలంగాణలో ధర్మయుద్ధం చేద్దామని జనసేన అధినేత పవన్ కళ్యాణ్ ( Pawan Kalyan ) పిలుపునిచ్చారు. గురువారం నాడు సూర్యాపేటలో ఎన్నికల ప్రచారం నిర్వహించారు.
సూర్యాపేట: అన్నిరంగాల్లో వెనుకబడిన తెలంగాణలో ధర్మయుద్ధం చేద్దామని జనసేన అధినేత పవన్ కళ్యాణ్ ( Pawan Kalyan ) పిలుపునిచ్చారు. గురువారం నాడు సూర్యాపేటలో ఎన్నికల ప్రచారం నిర్వహించారు. జై తెలంగాణ అంటూ పవన్ కళ్యాణ్ ప్రసంగం ప్రారంభించారు. ఈ సందర్భంగా పవన్ కళ్యాణ్ మాట్లాడుతూ..‘‘నిధులు, నియామకాలు, నీళ్లపై తెలంగాణ ఉద్యమం జరిగితే ఫ్లోరోసిస్ సమస్యతో ఇబ్బంది పడ్డ నల్లగొండ జిల్లానే జనసేన పార్టీ ఆవిర్భావానికి స్ఫూర్తి. తెలంగాణలో బీసీలు రాజ్యాధికారం దిశగా ప్రయత్నం చేయాలి. మోదీ నాయకత్వంలో దేశంలో అందరికీ సమానత్వం అనే నినాదంతో పాలన సాగుతుంది. జనసేన మనస్ఫూర్తిగా బీజేపీకి మద్దతిస్తుంది’’ అని పవన్ కళ్యాణ్ స్పష్టం చేశారు.
తెలంగాణలో ఆడపడుచుల ఆదృశ్యం
‘‘తెలంగాణలో ఆడపడుచులు ఎక్కువగా ఆదృశ్యం అవుతున్నారు. మహిళలపై ఆగడాలు ఎక్కువయ్యాయి. తెలంగాణలో డబుల్ ఇంజన్ సర్కార్ రావాలి, ఆదిశగా జనసేన కృషి చేస్తోంది. తెలంగాణ యువత పోరాట స్ఫూర్తితో ఆంధ్రాలో పోరాటం చేస్తున్నాను. జన్మనిచ్చిన తెలంగాణకు సేవ చేయాలనే వచ్చాను. జిల్లాలో తెలంగాణ అసెంబ్లీ ఎన్నికల్లో బరిలో నిలిచిన బీజేపీ అభ్యర్థులను గెలిపించాలి’’ అని పవన్ కళ్యాణ్ పిలుపునిచ్చారు.
మరిన్ని పోరు తెలంగాణ వార్తల కోసం ఇక్కడ క్లిక్ చేయండి
Updated Date - 2023-11-23T15:50:17+05:30 IST