Telangana Election Results: గెలిస్తే ఎత్తుకెళ్లుడే..!

హైదరాబాద్: 2023 తెలంగాణ అసెంబ్లీ ఎన్నికల ఫలితాలు క్రమంగా వెలువడుతున్నాయి. బీఆర్ఎస్ కు షాకిస్తూ.. కాంగ్రెస్‌ మెజార్టీ మెజారిటీ స్థానాల్లో దూసుకెళ్తోంది. కొన్ని చోట్ల కారుకు గట్టి పోటీ ఇస్తోంది. ఈ నేపథ్యంలో గెలిచిన వారు ఇతర పార్టీల్లోకి జంప్‌ కాకుండా హస్తం పార్టీ ముందస్తుగానే ప్లాన్‌ చేసింది. ప్రస్తుత ఫలితాలు కాంగ్రెస్ కు అనుకూలంగా వస్తుండటంతో.. ఆ పార్టీ విజయం సాధిస్తే.. గెలుపొందిన అభ్యర్థులను రాష్ట్రం దాటించేలా ప్రయత్నాలు చేస్తున్నారు. గెలిచిన వారిని గెలిచినట్లు.. కర్ణాటక డిప్యూటీ సీఎం డీకే శివకుమార్ కర్ణాటకకు తరలించేలా ప్లాన్ చేశారు. దీని కోసం డీకే.. నిన్న రాత్రే హైదరాబాద్‌కు చేరుకున్నారు. తాజ్‌కృష్ణలో ఇప్పటికే దాదాపు 100 గదులను రిజ్వర్‌ చేసుకున్నట్టు తెలుస్తోంది. గెలిచిన కాంగ్రెస్‌ అభ్యర్థులను తాజ్‌కృష్ణకు తరలించి.. అక్కడి నుంచి ప్రత్యేక బస్సుల్లో కర్ణాటకకు తరలించేందుకు ప్లాన్‌ చేస్తున్నారు.