BJP MLA: బీజేపీ ఎమ్మెల్యే రఘునందన్‌ సంచలన కామెంట్స్.. ఆ ఎమ్మెల్యే చేసిందేమీ లేదు.. అన్నీ మాటలే...
ABN, First Publish Date - 2023-10-17T08:53:50+05:30
తొమ్మిదివేల కోట్ల రూపాయలతో శేరిలింగంపల్లి నియోజకవర్గాన్ని అభివృద్ధి చేశానని ఎమ్మెల్యే ఆరెకపూడి గాంధీ చెబుతున్నారనీ,
చందానగర్‌(హైదరాబాద్), (ఆంధ్రజ్యోతి): తొమ్మిదివేల కోట్ల రూపాయలతో శేరిలింగంపల్లి నియోజకవర్గాన్ని అభివృద్ధి చేశానని ఎమ్మెల్యే ఆరెకపూడి గాంధీ చెబుతున్నారనీ, కానీ ఏ కాలనీకి వెళ్లినా సమస్యలు స్వాగతం పలుకుతున్నాయని దుబ్బాక ఎమ్మెల్యే రఘునందన్‌రావు(Dubbaka MLA Raghunandan Rao) అన్నారు. నియోజకవర్గంలో బీజేపీ రాష్ట్ర నాయకుడు రవికుమార్‌ యాదవ్‌ చేపట్టిన గడపగడపకు బీజేపీ కార్యక్రమం ఆదివారంతో ముగిసింది. ముగింపు సమావేశాన్ని రాజీవ్‌ గృహకల్పలో రాత్రి నిర్వహించారు.
ముఖ్యఅతిథిగా పాల్గొన్న రఘునందన్‌రావు మాట్లాడుతూ.. అభివృద్ధి చేశానని చెబుతున్న ఎమ్మెల్యే గాంధీ(MLA GANDHI) మాటలు అవాస్తవమన్నారు. రవికుమార్‌ యాదవ్‌ చేపట్టిన గడపగడపకు బీజేపీ కార్యక్రమంతో ప్రజలు ఎదుర్కొంటున్న సమస్యలు తమ దృష్టికి వచ్చాయన్నారు. ఎన్నికల్లో బీజేపీని ఆశీర్వదించాలని కోరారు. మాజీ ఎమ్మెల్యే భిక్షపతి యాదవ్‌(Former MLA Bhikshapati Yadav) మాట్లాడుతూ.. బీజేపీ అభ్యర్థులను గెలిపిస్తే సమస్యలు పరిష్కారం అవుతాయన్నారు. రవికుమార్‌ యాదవ్‌ కూడా మాట్లాడారు. అనంతరం నిర్వహించిన సాంస్కృతిక కార్యక్రమాలు ఆకట్టుకున్నాయి. కార్పొరేటర్‌ గంగాధర్‌రెడ్డి, వినోదరావు, రాధాకృష్ణ యాదవ్‌, రమేష్‌, నరసింహ, అర్జున్‌ తదితరులు పాల్గొన్నారు.
Updated Date - 2023-10-17T08:53:50+05:30 IST