Congress-Left parties: కమ్యూనిస్టులతో కాంగ్రెస్ కీలక భేటీ.. సీట్లపై స్పష్టత వచ్చే ఛాన్స్
ABN, First Publish Date - 2023-10-22T11:26:34+05:30
మిగతా స్థానాల్లో అభ్యర్థుల ఎంపికపై కసరత్తు చేస్తున్న కాంగ్రెస్ పార్టీ నేడు (ఆదివారం) కమ్యూనిస్టులతో కీలక సమావేశాన్ని నిర్వహించబోతోంది. పొత్తు, పోటీ చేసే స్థానాలపై లెఫ్ట్ నేతలతో కాంగ్రెస్ నేతలు చర్చించనున్నాయి.
హైదరాబాద్: మిగతా స్థానాల్లో అభ్యర్థుల ఎంపికపై కసరత్తు చేస్తున్న కాంగ్రెస్ పార్టీ నేడు (ఆదివారం) కమ్యూనిస్టులతో కీలక సమావేశాన్ని నిర్వహించబోతోంది. పొత్తు, పోటీ చేసే స్థానాలపై లెఫ్ట్ నేతలతో కాంగ్రెస్ నేతలు చర్చించనున్నాయి. సీపీఐకు కొత్తగూడెం, చెన్నూరు సీట్లను కాంగ్రెస్ ఆఫర్ చేసినట్టుగా వార్తలు వచ్చాయి. ఈ విషయాన్ని కాంగ్రెస్ అధికారికంగా నిర్ధారించలేదు. మునుగోడు సీటు కావాల్సిందేనని సీపీఐ పట్టుబడుతోందని తెలుస్తోంది.
మరోవైపు సీపీఎంకు మిర్యాలగూడ సీటును ఇస్తామని కాంగ్రెస్ పార్టీ చెబుతోంది. అయితే, పాలేరు సీటు కావాలని సీపీఎం నేతలు పట్టుబడుతున్నారు. ఎడతెగని ఈ సీట్ల పంచాయితీపై ఆదివారం జరగనున్న సమావేశంలో క్లారిటీ వచ్చే అవకాశాలు కనిపిస్తున్నాయి. అధిష్టానం ఆదేశాల మేరకు కమ్యూనిస్టులతో కాంగ్రెస్ నేతలు చర్చించనున్నారు.
Updated Date - 2023-10-22T11:26:34+05:30 IST