Dasoju Shravan: బీజేపీ బీసీ సీఎం నినాదం బూటకం
ABN, First Publish Date - 2023-10-28T17:56:24+05:30
బీజేపీ బీసీ సీఎం నినాదం ఓ బూటకమని బీఆర్ఎస్ పార్టీ సీనియర్ నేత దాసోజు శ్రావణ్ ( Dasoju Shravan ) అన్నారు.
హైదరాబాద్: బీజేపీ బీసీ సీఎం నినాదం ఓ బూటకమని బీఆర్ఎస్ పార్టీ సీనియర్ నేత దాసోజు శ్రావణ్ ( Dasoju Shravan ) అన్నారు. శనివారం నాడు తెలంగాణ భవన్‌లో ఆయన మీడియాతో మాట్లాడుతూ...‘‘బీజేపీ కేంద్ర నేతల కుట్రలను అర్థం చేసుకునే విజ్ఞత తెలంగాణ ప్రజలకు ఉంది. తెలంగాణలో బీజేపీ భూ స్థాపితం అయింది. బీసీల మీద మీకు నిజంగా ప్రేమ ఉంటే బీసీ ప్రెసిడెంట్‌ను ఎందుకు తొలగించారు. బీసీ కులగణన ఎందుకు చేయడం లేదు. కేంద్రంలో ఓబీసీ మంత్రిత్వ శాఖ ఎందుకు ఏర్పాటు చేయలేదు. ఓబీసీ రిజర్వేషన్ బిల్ ఎందుకు పెట్టలేదు. ఓబీసీ కమిషన్‌ను ఎందుకు బలహీనం చేశారు. ప్రత్యేక బడ్జెట్ పెట్టకుండా ఓబీసీలపై ఎందుకు వివక్ష చూపుతున్నారు. బీజేపీ దేశ వ్యాప్తంగా ఓబీసీలను అణచి వేసింది. ఇప్పుడు తెలంగాణ ఓటర్లను మభ్యపెట్టడం కోసం బూటకపు నినాదం ఎత్తుకున్నారు. బీజేపీది పగటి కలగానే మిగులుతుంది’’ అని దాసోజ్ శ్రావణ్ అన్నారు.
Updated Date - 2023-10-28T17:56:24+05:30 IST