Etala Rajender: కేసీఆర్ అహంకారాన్ని ఓడించడం బీజేపీతోనే సాధ్యం.. బీజేపీ పెద్దలకు ఈటల ధన్యవాదాలు
ABN, First Publish Date - 2023-07-04T18:36:42+05:30
బీజేపీ అధిష్టానం తెలంగాణ బీజేపీ (BJP) ఎన్నికల నిర్వహణ కమిటీ చైర్మన్‌గా నియమించడంపై హుజూరాబాద్ బీజేపీ ఎమ్మెల్యే ఈటల రాజేందర్ (Etala Rajender) స్పందించారు.
హైదరాబాద్: బీజేపీ అధిష్టానం తెలంగాణ బీజేపీ (BJP) ఎన్నికల నిర్వహణ కమిటీ చైర్మన్‌గా నియమించడంపై హుజూరాబాద్ బీజేపీ ఎమ్మెల్యే ఈటల రాజేందర్ (Etala Rajender) స్పందించారు. తనపై విశ్వాసం ఉంచి ఎన్నికల నిర్వహణ కమిటీ బాధ్యతలు అప్పగించిన ప్రధాని నరేంద్ర మోదీ, బీజేపీ జాతీయ అధ్యక్షుడు నడ్డా, కేంద్ర హోంశాఖ మంత్రి అమిత్ షా, సంతోష్‌, తరుణ్ ఛుగ్, సునీల్ బన్సల్, మాజీ అధ్యక్షుడు బండి సంజయ్‌తోపాటు ఇతర నేతలకు తాను ధన్యవాదాలు తెలుపుతున్నట్లు ఈటల చెప్పారు.
తెలంగాణ అంతరంగం, సమస్యలు, సీఎం కేసీఆర్ బలం బలహీనతలు తెలిసిన వాడిని అని ఈటల అన్నారు. తాను ఒక కార్యకర్తగా తనకు అప్పగించిన బాధ్యతను సంపూర్ణంగా నిర్వహిస్తానని స్పష్టం చేశారు. ఎంతో అనుభవం ఉన్న సీనియర్ నేత కిషన్ రెడ్డితో కలిసి పని చేస్తామని ఈటల రాజేందర్ స్పష్టం చేశారు. హయత్‌నగర్ లో కార్పొరేటర్ జీవన్ రెడ్డి నివాసంలో ఈటల రాజేందర్ మీడియాతో మాట్లాడుతూ కేసీఆర్ అహంకారాన్ని ఓడించడం బీజేపీతోనే సాధ్యమన్నారు.
Updated Date - 2023-07-04T18:38:46+05:30 IST