HYD: అయ్యా మల్లారెడ్డిగారూ.. ఈ ఐదేళ్లలో మీరు ఏం చేశారో చెప్పాలి..
ABN, First Publish Date - 2023-11-09T11:09:40+05:30
ఏ ముఖం పెట్టుకుని ప్రజలను ఓట్లు అడుగుతావో చెప్పు మల్లారెడ్డి... ఈ ప్రాంతంలో ఒక్క జూనియర్‌ కాలేజీ, డిగ్రీ కాలేజీ
- మేడ్చల్‌ కాంగ్రెస్‌ అభ్యర్థి వజ్రేశ్‌యాదవ్‌
జవహర్‌నగర్‌(హైదరాబాద్), (ఆంధ్రజ్యోతి): ఏ ముఖం పెట్టుకుని ప్రజలను ఓట్లు అడుగుతావో చెప్పు మల్లారెడ్డి... ఈ ప్రాంతంలో ఒక్క జూనియర్‌ కాలేజీ, డిగ్రీ కాలేజీ, మంజూరైన 100 పడకల ఆస్పత్రి ఎందుకు కట్టలేదో చెప్పాలంటూ మేడ్చల్‌ కాంగ్రెస్‌ అభ్యర్థి వజ్రేశ్‌యాదవ్‌(Vajresh Yadav), మాజీ ఎమ్మెల్యే సుధీర్‌రెడ్డిలు మంత్రి మల్లారెడ్డిపై మండిపడ్డారు. వహర్‌నగర్‌లో టీపీసీసీ అధికార ప్రతినిధి హరివర్దన్‌రెడ్డి, కాంగ్రెస్‌ నాయకుడు నక్క ప్రభాకర్‌గౌడ్‌, కాంగ్రెస్‌ పార్టీ అధ్యక్షుడు శ్రీకాంత్‌యాదవ్‌లతో కలిసి గబ్బిలాల్‌పేట, కార్మికనగర్‌, బీజేఆర్‌నగర్‌, బాలాజీనగర్‌, చెన్నాపురంలో పాదయాత్ర చేశారు. అనంతరం ఏర్పాటు చేసిన విలేకరుల సమావేశంలో మాట్లాడుతూ జవహర్‌నగర్‌ నిర్మించిన మంత్రి ఆస్పత్రి రిజిస్ట్రేషన్ చేయించుకున్నారు. కాని పేదలు కట్టుకున్న ఇళ్లకు మాత్రం జీవో 59 ద్వారా డబ్బులు కట్టాలంటూ నోటీసులు పంపుతున్నారు. కట్టకుంటే కూలుస్తామంటూ బెదిరింపులకు పాల్పడుతున్నారని బీఆర్‌ఎస్‌ నాయకులపై మండిపడ్డారు. రోడ్లు డ్రైనేజీలు కాదు ప్రజలకు ఏం చేశావో చెప్పాలని డిమాండ్‌ చేశారు. అర్హులైన పేదలకు జవహర్‌నగర్‌లో 5 వేల ఇళ్లు, మెడికల్‌ కాలేజీ తప్పక మంజూరు చేపిస్తామని హామీ ఇచ్చారు. డంపింగ్‌యార్డ్‌ నగరానికి నాలుగువైపుల ఉండేలా చూస్తామన్నారు. కాంగ్రె్‌స అధ్యక్షురాలు అనంతలక్ష్మి, కాంగ్రె్‌స నాయకులు పాల్గొన్నారు.
Updated Date - 2023-11-09T11:09:41+05:30 IST