TS Congress : తెలంగాణ కాంగ్రెస్‌లో మరో పాదయాత్ర.. అధిష్టానం ఏమంటుందో..!?
ABN, First Publish Date - 2023-04-28T15:30:56+05:30
తెలంగాణ కాంగ్రెస్‌లో మరో సీనియర్ నేత పాదయాత్రకు సన్నద్ధమవుతున్నారు.
హైదరాబాద్: తెలంగాణ కాంగ్రెస్‌లో (Telangana Congress) మరో సీనియర్ నేత పాదయాత్రకు సన్నద్ధమవుతున్నారు. ఇప్పటికే టీపీసీసీ చీఫ్ రేవంత్ రెడ్డి (TPCC Chief Revanth Reddy), సీఎల్పీ నేత భట్టి విక్రమార్క (CLP Leader Batti Vikramarka) పాదయాత్రలతో ప్రజల వద్దకు వెళ్తుండగా... తాజాగా ఆ లిస్టులో టీపీసీసీ వర్కింగ్ ప్రెసిడెంట్, ఎమ్మెల్యే తూర్పు జగ్గారెడ్డి (TPCC Working President, MLA Turpu Jaggareddy) చేరారు. పాదయాత్రకు సంబంధించి తెలంగాణ కాంగ్రెస్ రాష్ట్ర వ్యవహారాల ఇన్‌ఛార్జ్ మాణికరావు థాక్రేకు (Telangana Congress state affairs in-charge Manikarao Thackeray) లేఖ రాశారు. వర్కింగ్ ప్రెసిడెంట్ హోదాలో రాష్ట్రంలో పాదయాత్ర చేయడానికి అనుమతి ఇవ్వాలని జగ్గారెడ్డి కోరారు. యువనేత రాహుల్ గాంధీ (Raghul Gandhi) చేపట్టిన ‘భారత్ జోడో యాత్ర’కు (Bharath Jodo Yatra) కొనసాగింపుగా రాష్ట్రంలో ‘హాత్ సే హాత్ జోడో’ పాదయాత్ర చేయడానికి తనకు అనుమతి ఇవ్వాలని లేఖలో పేర్కొన్నారు. ఇందులో భాగంగా రాష్ట్రంలోని 47 నియోజకవర్గలో పాదయాత్ర చేయడానికి అనుమతి ఇవ్వాలన్నారు. ఉమ్మడి మెదక్ జిల్లాలో 10 నియోజకవర్గాలు, హైదరాబాద్ జిల్లాలోని 15 నియోజకవర్గాలు, ఉమ్మడి రంగారెడ్డిలోని 8 నియోజకవర్గాలు, ఉమ్మడి మహబూబ్ నగర్ జిల్లాలోని 15 నియోజకవర్గాల్లో పాదయాత్ర చేయడానికి పర్మిషన్ ఇవ్వాలని లేఖలో జగ్గారెడ్డి పేర్కొన్నారు.
Updated Date - 2023-04-28T15:30:56+05:30 IST