Hyderabad: రేవంత్ రెడ్డికి బండి సంజయ్ కౌంటర్
ABN, First Publish Date - 2023-04-23T12:19:27+05:30
హైదరాబాద్: టీపీసీసీ అధ్యక్షుడు రేవంత్ రెడ్డి (Ravanth Reddy)కి రాష్ట్ర బీజేపీ అధ్యక్షుడు బండి సంజయ్ (Bandi Sanjay) కౌంటర్ (Counter) ఇచ్చారు.
హైదరాబాద్: టీపీసీసీ అధ్యక్షుడు రేవంత్ రెడ్డి (Ravanth Reddy)కి రాష్ట్ర బీజేపీ అధ్యక్షుడు బండి సంజయ్ (Bandi Sanjay) కౌంటర్ (Counter) ఇచ్చారు. భాగ్యలక్ష్మి టెంపుల్‌కు ప్రతి ఒక్కరు రావాలన్న తమ లక్ష్యం నెరవేరిందన్నారు. తన పదవి పోతుందన్న భయంతోనే రేవంత్ రెడ్డి కన్నీళ్లు పెట్టుకున్నారని ఆరోపించారు. కాంగ్రెస్ పార్టీలో అంతర్గత కుమ్ములాటలతో రేవంత్ రెడ్డి సతమతమవుతున్నట్టున్నారని.. సీఎం కేసీఆర్ రూ. 25 కోట్లు రేవంత్ రెడ్డికి ఇచ్చారని ఎమ్మెల్యే ఈటల రాజేందర్ ఎక్కడ అనలేదని.. కాంగ్రెస్ పార్టీకి ఇచ్చారని మాత్రమే ఈటల అన్నారన్నారు.
కర్ణాటక ఎన్నికల్లో కూడా కాంగ్రెస్‌కు బీఆర్ఎస్ ఆర్థిక సహాయం చేస్తుందని.. రాజ్దీప్ సర్దేశాయి కూడా.. బీఆర్ఎస్ దేశమంతా పార్టీలకు ఆర్థిక సాయం చేస్తుందనే అన్నారని బండి సంజయ్ అన్నారు. వచ్చే ఎన్నికల్లో కాంగ్రెస్, బీఆర్ఎస్ కలిసి పోటీ చేస్తాయన్నారు. ఏఐసీసీ అధ్యక్షుడు ఖర్గే, కాంగ్రెస్ సీనియర్ నేత జానారెడ్డి కూడా ఇదే మాటలు అంటున్నారన్నారు. బీఆర్ఎస్ వద్ద కాంగ్రెస్ డబ్బులు తీసుకున్న మాట వాస్తవమని, మునుగోడులో ఇదే విషయం ప్రచారం అయిందని... మునుగోడు ఓటర్లు స్వయంగా మాట్లాడుకున్నారని అన్నారు. అతిక్ అహ్మద్ లాంటి గుండా కోరు చనిపోతే ఎంఐఎం సంతాప సభలు పెట్టడం ఏంటని ప్రశ్నించారు. అతిక్ అహ్మద్ మరణంపై జూబ్లీహిల్స్ ఎమ్మెల్యే స్పందించడం సిగ్గుచేటన్నారు. తెలంగాణకు బీఆర్ఎస్, ఎంఐఎం పార్టీలు అవసరమా?.. అని బండి సంజయ్ ప్రశ్నించారు.
Updated Date - 2023-04-23T12:19:27+05:30 IST