Bandi Sanjay: తెలంగాణ బీజేపీ అధికారంలోకి రావడం ఖాయం
ABN, First Publish Date - 2023-08-30T15:12:25+05:30
రానున్న ఎన్నికల్లో తెలంగాణలో బీజేపీ అధికారంలోకి వస్తుందని ఆ పార్టీ ఎంపీ బండి సంజయ్ ధీమా వ్యక్తం చేశారు.
హైదరాబాద్: రానున్న ఎన్నికల్లో తెలంగాణలో బీజేపీ (BJP) అధికారంలోకి వస్తుందని ఆ పార్టీ ఎంపీ బండి సంజయ్ (BJP MP Bandi Sanjay) ధీమా వ్యక్తం చేశారు. బుధవారం మీడియాతో మాట్లాడుతూ.. గ్యాస్ సిలిండర్ ధర రెండు వందలు తగ్గించి మోదీ (PM Narendra Modi) విపక్షాల నోరు మూపించారన్నారు. సేవా కార్యక్రమాలు చేస్తోన్న డాక్టర్ చెన్నమనేని వికాస్ దీప దంపతులు బీజేపీలో చేరటం శుభ పరిణామమని అన్నారు. చెన్నమమేని కుటుంబం బీజేపీ కోసం పనిచేసిన కుటుంబమని చెప్పుకొచ్చారు. చెన్నమనేని రాకతో సిరిసిల్ల జిల్లాల్లో రెండు సీట్లను బీజేపీ గెలవబోతోందన్నారు. కిషన్ రెడ్డి నాయకత్వంలో తెలంగాణలో రామరాజ్యం రావటం ఖాయమని అన్నారు. ఖమ్మంలో అమిత్ షా సభ విజయవంతంతో బీఆర్ఎస్, కాంగ్రెస్‌లో వణుకు మొదలైందని బండి సంజయ్ వ్యాఖ్యలు చేశారు.
కాగా.. డాక్టర్ చెన్నమనేని వికాస్ రావు, దీప తదితరులు కాషాయ కండువా కప్పుకున్నారు. తెలంగాణ బీజేపీ చీఫ్ కిషన్‌రెడ్డి వారిని బీజేపీలోకి ఆహ్వానించారుు. ఈ కార్యక్రమంలో ఎంపీలు బండి సంజయ్, ధర్మపురి అర్వింద్, లక్ష్మణ్ తదితరులు పాల్గొన్నారు.
Updated Date - 2023-08-30T15:12:25+05:30 IST