Congress : తెలంగాణ అభ్యర్థుల ఎంపికపై కాంగ్రెస్ కసరత్తు
ABN, First Publish Date - 2023-10-25T13:27:38+05:30
ఏఐసీసీ కార్యాలయంలో కాంగ్రెస్ కేంద్ర ఎన్నికల కమిటీ సమావేశం జరగనుంది. తెలంగాణ అభ్యర్థుల ఎంపికపై కాంగ్రెస్ పార్టీ కసరత్తు చేయనుంది.
హైదరాబాద్ : ఏఐసీసీ కార్యాలయంలో కాంగ్రెస్ కేంద్ర ఎన్నికల కమిటీ సమావేశం జరగనుంది. తెలంగాణ అభ్యర్థుల ఎంపికపై కాంగ్రెస్ పార్టీ కసరత్తు చేయనుంది. సీఈసీ సమావేశంలో పాల్గొనేందుకు టీపీసీసీ చీఫ్ రేవంత్ రెడ్డి, భట్టి విక్రమార్క, ఉత్తమ్ కుమార్ రెడ్డి, మాణిక్ రావు ఠాక్రే, మురళీధరన్, జిజ్ఞేష్ మేవానిస్ సహా స్క్రినింగ్ కమిటీ సభ్యులు ఏఐసీసీ కార్యాలయానికి చేరుకున్నారు. వామపక్షాలకు కేటాయించే సీట్లు మినహా... 60 స్థానాలకు అభ్యర్థులపై ఎన్నికల కమిటీ చర్చించనుంది. సమావేశం తరువాత తెలంగాణలో పోటీ చేసే అభ్యర్థుల రెండో జాబితా విడుదల అయ్యే అవకాశం ఉంది. సుమారు 10 స్థానాలకు అభ్యర్థుల ఎంపిక మరికొన్ని రోజులు పెట్టే అవకాశం ఉందని కాంగ్రెస్ వర్గాలు చెబుతున్నాయి. కొందరు నాయకుల చేరికలు, కొన్ని చోట్ల పోటీకి ఆసక్తి చూపుతున్న అభ్యర్థులు ఎక్కువగా ఉండడంతో.. ఆ స్థానాలకు ఇప్పుడే అభ్యర్థుల ప్రకటన ఉండకపోవచ్చు అని కాంగ్రెస్ వర్గాలు అంటున్నాయి.
Updated Date - 2023-10-25T13:27:38+05:30 IST