CPI Narayana: కాంగ్రెస్‌తో పొత్తుపై అవగాహన కుదిరింది
ABN, First Publish Date - 2023-10-09T22:39:43+05:30
కాంగ్రెస్(Congress)తో పొత్తుపై అవగాహన కుదిరిందని సీపీఐ సీనియర్ నేత నారాయణ(CPI Narayana) వ్యాఖ్యానించారు.
హైదరాబాద్: కాంగ్రెస్(Congress)తో పొత్తుపై అవగాహన కుదిరిందని సీపీఐ సీనియర్ నేత నారాయణ(CPI Narayana) వ్యాఖ్యానించారు. సోమవారం నాడు సీపీఐ కార్యాలయంలో నారాయణ మీడియాతో మాట్లాడుతూ..‘‘సీట్ల అంశం మాత్రమే తేలాల్సి ఉంది. సీట్ల అంశం రెండురోజుల్లో కొలిక్కి వస్తుంది. కమ్యూనిస్టులకు చెరో రెండు సీట్లు అన్నది ప్రచారం మాత్రమే. కాంగ్రెస్ నుంచి అలాంటి ప్రతిపాదన ఇంకా రాలేదు. జాతీయస్థాయిలో INDIA కూటమిలో కాంగ్రెస్, వామపక్షాలు ఉన్నాయి. తెలంగాణలోనూ ఆ తరహా రాజకీయ అవగాహనతో ముందుకెళ్తాం. పొత్తులో సీట్ల అంశం మీద తొందర లేదు. నామినేషన్లు వేసే వరకు సమయం ఉంది. సీట్లపై చర్చలు కొనసాగుతున్నాయి. ఎన్నికల షెడ్యూల్ వస్తుందని BRS వాళ్లకు కావాల్సిన అధికారులను రెండురోజుల ముందే బదిలీ చేసుకున్నారు’’ అని నారాయణ మండిపడ్డారు.
Updated Date - 2023-10-09T22:39:43+05:30 IST