Kasani Gnaneshwar: బాబును అరెస్టు చేసి జగన్ తప్పు చేశారు
ABN, First Publish Date - 2023-10-02T21:37:07+05:30
24గంటల పాటు చంద్రబాబు ప్రజల కోసమే పనిచేస్తారని తెలంగాణ తెలుగుదేశం అధ్యక్షుడు కాసాని జ్ఞానేశ్వర్ (Kasani Gnaneshwar) వ్యాఖ్యానించారు.
హైదరాబాద్,(ఎన్టీఆర్ భవన్): 24గంటల పాటు చంద్రబాబు ప్రజల కోసమే పనిచేస్తారని తెలంగాణ తెలుగుదేశం అధ్యక్షుడు కాసాని జ్ఞానేశ్వర్(Kasani Gnaneshwar) వ్యాఖ్యానించారు. చంద్రబాబు అక్రమ అరెస్ట్‌కు నిరసనగా ఎన్టీఆర్ భవన్‌లో సత్యాగ్రహ దీక్ష చేపట్టారు. ఈసందర్భంగా కాసాని మాట్లాడుతూ...‘‘ప్రజల సంక్షేమం కోసం కష్టపడే వ్యక్తిపై ఏపీ ముఖ్యమంత్రి జగన్మోహన్‌రెడ్డి తప్పుడు కేసులు పెట్టారు.. తప్పుడు కేసులు ఎన్నో రోజులు నిలబడవు. ప్రపంచ దేశాలు కూడా చంద్రబాబుకు అన్యాయం జరిగిందని చెబుతున్నాయి. బాబును అరెస్టు చేసి జగన్ తప్పు చేశారు... తప్పు చేసిన వారికి శిక్ష తప్పదు. ఎవరు తీసుకున్న గోతిలో వారే పడతారు ... చేసిన తప్పుకు మూల్యం చెల్లించుకోక తప్పదు. రెండు రాష్ట్రాలతో పాటు దేశం ఎలా ఉండాలో చంద్రబాబు ఆలోచన చేశారు’’ అని కాసాని జ్ఞానేశ్వర్ పేర్కొన్నారు.
Updated Date - 2023-10-02T21:37:07+05:30 IST