Telangana పోలీసులకు మెడల్స్ ప్రకటించిన కేంద్రం
ABN, First Publish Date - 2023-01-25T12:39:16+05:30
74వ గణతంత్ర దినోత్సవం (74th Republic Day) సందర్భంగా 901 మంది పోలీసులకు కేంద్రం మెడల్స్ (Medals) ప్రకటించింది. 140 మందికి పోలీస్ మెడల్ ఫర్ గ్యాలంట్రీ
ఢిల్లీ: 74వ గణతంత్ర దినోత్సవం (74th Republic Day) సందర్భంగా 901 మంది పోలీసులకు కేంద్రం మెడల్స్ (Medals) ప్రకటించింది. 140 మందికి పోలీస్ మెడల్ ఫర్ గ్యాలంట్రీ (పీఎంజీ) అవార్డులు, 93 మందికి ప్రెసిడెంట్స్ పోలీస్ మెడల్ ఫర్ డిస్టింగ్విష్డ్ సర్వీస్ (పీపీఎం) అవార్డులు, 668 మందికి పోలీస్ మెడల్ ఫర్ మెరిటోరియస్ సర్వీస్ (పీఎం) అవార్డులు (Awards) ప్రకటించింది.
140 గ్యాలంట్రీ అవార్డులో ఎక్కువ భాగం లెఫ్ట్ వింగ్ తీవ్రవాద ప్రభావిత ప్రాంతాల్లో పని చేసిన అధికారులు ఉన్నారు. 80 మంది జమ్మూకాశ్మీర్ పోలీస్ సిబ్బంది. 45 మందికి సాహసోపేతమైన విభాగంలో అవార్డులు అందించనుంది. గ్యాలంట్రీ అవార్డులో 48 మంది సీఆర్పీఎఫ్, 31 మంది మహారాష్ట్ర అధికారులు ఉన్నారు. 25 మంది జమ్మూకాశ్మీర్ పోలీసులు, 9 మంది జార్ఖండ్ అధికారులు, 7మంది ఢిల్లీ పోలీసులు, పలువురు ఉత్తర రాష్టాలకు చెందిన వారు ఉన్నారు.
తెలంగాణకు రెండు ప్రెసిడెంట్స్ పోలీస్ మెడల్స్ (పీపీఎం) అవార్డులు దక్కనున్నాయి. విశిష్ట సేవలందించినందుకు గాను అనిల్ కుమార్ (ఏడీజీ), బ్రుంగి రామకృష్ణ (టీఎస్ఎస్పీ 12 బెటాలియన్ ఏసీ)కి పీపీఎం అవార్డులు అందుకోనున్నారు. 13 మంది పోలీసులకు పీఎం మెరిటోరియస్ సర్వీస్ అవార్డులు దక్కాయి.
అవార్డులకు ఎంపికైంది వీరే..
తరుణ్ జోషి (వరంగల్ సీపీ)
పేర్ల విశ్వ ప్రసాద్(జేసీపీ, హైదరాబాద్)
గంగసాని శ్రీధర్ (ఏసీపీ, సైబర్ క్రైం)
పి. నర్సింహా (డీఎస్పీ రిజీనల్ ఇంటలిజెన్స్)
ఆర్ అరుణ్ రాజ్ (డీఎస్పీ, బేగంపేట్)
జి వెంకటేశ్వర్లు (సీఐ, సిటీ స్పెషల్ బ్రాంచ్)
ఎం. శ్రీధర్ రెడ్డి (సీఐ, ఐటీ సెల్)
ఎన్. ఎస్. జైశంకర్ (ఏఆర్ ఎస్ఐ, 3 బెటాలియన్)
కె దయసీల (ఆర్ఐ, వరంగల్)
జీ అచ్యుతా రెడ్డి (ఏఏసీ గ్రేహౌండ్స్)
ఎన్. రాందేవ్ రెడ్డి (సీఐ, ఇంటెలిజెన్స్)
వీర రామాంజనేయులు (ఏఆర్ ఎస్ఐ, ఇంటలిజెన్స్)
బి.వి సన్యాసీ రావు (టీఎస్ పీఎస్ హైదరాబాద్)
Updated Date - 2023-01-25T12:39:18+05:30 IST