MP Arvind : ముక్కు నేలకు రాయాలట.. చెప్పు కూడా రాయను.. కవిత ఒక పెద్ద ఐరన్ లెగ్
ABN, First Publish Date - 2023-07-24T13:42:11+05:30
డబుల్ బెడ్ రూమ్ ఇళ్లు పంపిణీ చేయాలని బీజేపీ ధర్నాకు దిగింది ఈ శిబిరంలో ఎంపీ అర్వింద్ మాట్లాడుతూ.. కేసీఆర్ బతికున్నంత కాలం మీకు ఇళ్లు రావన్నారు. కల్వకుంట్ల కుటుంబం స్కాములు తప్ప ఏమి చేయరని విమర్శించారు.
నిజామాబాద్ : డబుల్ బెడ్ రూమ్ ఇళ్లు పంపిణీ చేయాలని బీజేపీ ధర్నాకు దిగింది ఈ శిబిరంలో ఎంపీ ధర్మపురి అర్వింద్ మాట్లాడుతూ.. కేసీఆర్ బతికున్నంత కాలం మీకు ఇళ్లు రావన్నారు. కల్వకుంట్ల కుటుంబం స్కాములు తప్ప ఏమి చేయరని విమర్శించారు. కాళేశ్వరం ప్రాజెక్టులో కేసీఆర్‌కు వచ్చిన రూ.10 వేల కోట్లను ఆయన కూతురు, ఎమ్మెల్సీ కవితకు ఇచ్చారన్నారు. అవి తీసుకెళ్లి కవిత ఢిల్లీ లిక్కర్‌లో పెట్టిందని ఆరోపించారు. ఆమ్ ఆద్మీ పార్టీతో పెట్టుకున్న సంబంధాలతో సిసోడియా జైలుకు వెళ్ళాడన్నారు.
ఇంకా అర్వింద్ మాట్లాడుతూ.. ‘‘ప్రపంచంలో కవిత అతి పెద్ద అవినీతి పరురాలు. నా ముక్కు నేలకు రాయాలట. నా చెప్పు కూడా రాయను. ఈమె పెద్ద ఐరన్ లెగ్ .. మీ నాన్న ముక్కు రాపిస్తా. బీమ్ గల్‌లో బస్ డిపో కట్టడానికే డబ్బులు లేవు అని మంత్రి చెబుతున్నారు. బస్ డిపో కట్టని వాళ్లు డబుల్ బెడ్ రూమ్ ఇళ్లు కడుతున్నారు. కేంద్రం ఇస్తున్న నిధులతోనే అభివృద్ధి చేస్తున్నారని మొన్న బయటపెట్టాక ఒప్పుకున్నారు. మహారాష్ట్రలో తిరగడానికి ఒక్కో ఎమ్మెల్యేకు 10 లక్షలు ఇస్తున్నారు. కేంద్రం ఇచ్చిన డబుల్ బెడ్ రూమ్ డబ్బులు 30 వేల కోట్లు ఖర్చు పెట్టారు. కవిత నువ్వు నిలబడను అన్నావ్ కదా ... సో నీ దారి నువ్వు చుస్కో . నా దారి నేను చూసుకుంటా’’ అని అన్నారు.
Updated Date - 2023-07-24T14:02:24+05:30 IST