Revanth Reddy: తాజ్‌కృష్ణ హోటల్‌కు చేరుకున్న రేవంత్.. కాసేపట్లో పెద్దమ్మ తల్లి ఆలయానికి..
ABN, First Publish Date - 2023-12-07T10:47:22+05:30
Telangana: శంషాబాద్‌ ఎయిర్‌పోర్టులో కాంగ్రెస్ అగ్రనేతలకు స్వాగతం అనంతరం తెలంగాణ కాబోయే ముఖ్యమంత్రి రేవంత్ రెడ్డి తాజ్ కృష్ణ హోటల్‌కు చేరుకున్నారు. తాజ్‌కృష్ణ నుంచి మరికాసేపట్లో పెద్దమ్మ తల్లి ఆలయానికి రేవంత్ రెడ్డి వెళ్లనున్నారు.
హైదరాబాద్: శంషాబాద్‌ ఎయిర్‌పోర్టులో కాంగ్రెస్ అగ్రనేతలకు స్వాగతం అనంతరం తెలంగాణ కాబోయే ముఖ్యమంత్రి రేవంత్ రెడ్డి (Revanth Reddy) తాజ్ కృష్ణ హోటల్‌కు చేరుకున్నారు. తాజ్‌కృష్ణ నుంచి మరికాసేపట్లో పెద్దమ్మ తల్లి ఆలయానికి (Peddamma Talli Temple) రేవంత్ రెడ్డి వెళ్లనున్నారు. కుటుంబసభ్యులతో కలిసి పెద్దమ్మ తల్లి టెంపుల్‌లో రేవంత్ ప్రత్యేక పూజలు చేయనున్నారు. పూజల అనంతరం నేరుగా గన్‌పార్క్ వెళ్లి అమరవీరుల స్థూపానికి కాబోయే సీఎం నివాళులు అర్పించనున్నారు. గన్‌పార్క్ నుంచి ఎల్బీ స్టేడియంకు రేవంత్ రెడ్డి వెళ్లనున్నారు. అనంతరం మధ్యాహ్నం 1:04 గంటలకు రేవంత్ తెలంగాణ సీఎంగా ప్రమాణస్వీకారం చేయనున్నారు. ఇప్పటికే ఎల్బీ స్టేడియంలో ప్రమాణ స్వీకారానికి ఏర్పాట్లు పూర్తి అయ్యాయి.
మరోవైపు గచ్చిబౌలి ఎల్లా హోటల్ వద్ద కాంగ్రెస్ కార్యకర్తల సందడి నెలకొంది. ఎల్బీస్టేడియంకు ఎమ్మెల్యేలను తరలించేందుకు నాలుగు ప్రత్యేక బస్సులను సిద్ధం చేశారు. ఎల్లా హోటల్‌లో ఉన్న ఎమ్మెల్యేలను ప్రత్యేక బస్సుల్లో తరలించే అవకాశం ఉంది. ఉదయం 11 గంటలకు ఎల్బీ స్టేడియంకు ఎమ్మెల్యేల బస్సు బయలుదేరనుంది. కాంగ్రెస్ నేత పొన్నం ప్రభాకర్ కాసేపటి క్రితమే ఎల్లా హోటల్‌కు చేరుకున్నారు.
Updated Date - 2023-12-07T10:47:23+05:30 IST