TPCC Chief: అమ్మా ప్రవళిక... కన్నవారి కళ్లలో ఆనందం చూడాలన్న సంగతి మరిచావా?: రేవంత్ ట్వీట్
ABN, First Publish Date - 2023-10-14T14:32:32+05:30
గ్రూప్-2 అభ్యర్థి ప్రవళిక ఆత్మహత్యపై టీపీసీసీ చీఫ్ రేవంత్ రెడ్డి ఆవేదన వ్యక్తం చేశారు. అమ్మా ప్రవళిక మరికొంత ఆత్మస్థైర్యాన్ని కూడదీసుకోలేకపోయావా అంటూ టీపీసీసీచీఫ్ భావోద్వేగంగా ట్వీట్ చేశారు.
హైదరాబాద్: గ్రూప్-2 అభ్యర్థి ప్రవళిక ఆత్మహత్యపై టీపీసీసీ చీఫ్ రేవంత్ రెడ్డి (TPCC Chief Revanth Reddy) ఆవేదన వ్యక్తం చేశారు. అమ్మా ప్రవళిక మరికొంత ఆత్మస్థైర్యాన్ని కూడదీసుకోలేకపోయావా అంటూ టీపీసీసీచీఫ్ భావోద్వేగంగా ట్వీట్ చేశారు. ‘‘ఎన్నో అగ్ని పరీక్షలు ఎదుర్కొని ఇంత దూరం వచ్చిన దానివి.. మరికొంత ఆత్మస్థైర్యాన్ని కూడదీసుకోలేకపోయావా? నువ్వు కన్న కలల కోసం మరికొన్నాళ్లు వేచి ఉండలేకపోయావా? నిన్ను కన్నవారి కళ్లల్లో ఆనందం చూడాలన్న సంగతిని మరిచిపోయావా? ఎంతోమందికి దారి చూపాలనుకున్నదానివి.. ఇలా అర్ధాంతరంగా నీ ప్రయాణం ముగిస్తావా? భగవంతుడు నీ ఆత్మకు శాంతిని చేకూర్చాలని ప్రార్థిస్తూ.. యువతీ, యువకుల్లారా! ఆత్మహత్యలు వద్దు.. మీ ఆత్మస్థైర్యాన్ని కోల్పోవద్దు! మన భవిష్యత్తుతో చెలగాటం ఆడిన ఈ నక్కలు ఎక్కడ నక్కినా గుంజుకొచ్చి దోషులుగా నిలబెడదాం. వీళ్ళ నక్క జిత్తులను నడి రోడ్డులో నిలబెట్టి తరిమికొడదాం’’ అంటూ రేవంత్ ట్వీట్ చేశారు.
Updated Date - 2023-10-14T14:32:32+05:30 IST