Yadadri: 19 రోజుల్లో యాదాద్రి హుండీ ఆదాయం ఎంతంటే..
ABN, First Publish Date - 2023-05-30T19:32:27+05:30
యాదగిరిగుట్ట లక్ష్మీనరసింహస్వామి (Yadagirigutta Lakshminarasimhaswamy) ఆలయ ఖజానాకు భక్తుల నుంచి 19 రోజుల్లో రూ.2.28కోట్ల హుండీ ఆదాయం సమకూరింది.
యాదగిరిగుట్ట: యాదగిరిగుట్ట లక్ష్మీనరసింహస్వామి (Yadagirigutta Lakshminarasimhaswamy) ఆలయ ఖజానాకు భక్తుల నుంచి 19 రోజుల్లో రూ.2.28కోట్ల హుండీ ఆదాయం సమకూరింది. ఈ నెల 11నుంచి 29వ తేదీవరకు నృసింహుడిని దర్శించుకున్న భక్తులు (Devotees) హుండీల్లో సమర్పించిన కానుకలను మంగళవారం ఆలయ సిబ్బంది లెక్కించారు. రూ.2,28,25,714 నగదు, 95 గ్రాముల మిశ్రమ బంగారం, 3.700కిలోల మిశ్రమ వెండి ఆలయ ఖజానాలో జమచేసినట్లు ఈవో గీతారెడ్డి తెలిపారు. 657 అమెరికా డాలర్లు, 15 ఆస్ట్రేలియా డాలర్లు, 15 కెనడా డాలర్లు, 12 సింగపూర్‌ డాలర్లు (Singapore dollars), 40 సింగపూర్‌ దిన్హార్స్‌, 57మలేషియా రింగెట్స్‌, 400 ఓమన్‌ భైసాలు, 10 బహ్రైన్‌ దిన్హార్స్‌, 20కతార్‌ రియాల్స్‌, 20 యూరోప్‌ యూరల్స్‌ విదేశీ కరెన్సీని భక్తులు హుండీల్లో సమర్పించారని తెలిపారు. సత్యనారాయణస్వామి మండపంలో నిర్వహించిన కానుకల లెక్కింపు కార్యక్రమాన్ని ఆలయ అనువంశిక ధర్మకర్త నరసింహమూర్తి, ఈవో గీతారెడ్డి పర్యవేక్షించారు.
Updated Date - 2023-05-30T19:32:27+05:30 IST