Nagar Kurnool Dist.: నేడు తెలంగాణకు ప్రియాంక గాంధీ
ABN, First Publish Date - 2023-10-31T09:06:15+05:30
నాగర్ కర్నూల్ జిల్లా: తెలంగాణ అసెంబ్లీ ఎన్నికలకు ఇంకా నెల రోజులు కూడా సమయం లేకపోవడంతో.. కాంగ్రెస్ పార్టీ స్పీడ్ పెంచింది. ఈ క్రమంలో ప్రియాంక గాంధీ మరోసారి తెలంగాణకు రానున్నారు.
నాగర్ కర్నూల్ జిల్లా: తెలంగాణ అసెంబ్లీ ఎన్నికలకు ఇంకా నెల రోజులు కూడా సమయం లేకపోవడంతో.. కాంగ్రెస్ పార్టీ స్పీడ్ పెంచింది. ఈ క్రమంలో ప్రియాంక గాంధీ (Priyanka Gandhi) మరోసారి తెలంగాణకు రానున్నారు. మంగళవారం సాయంత్రం కొల్లాపూర్ (Kolhapur) నియోజవర్గ కేంద్రంలో నిర్వహించే పాలమూరు ప్రజా గర్జన బహిరంగ సభలో పాల్గొని ఆమె ప్రసంగిస్తారు. కాగా ముందుగా నిర్ణయించిన ప్రకారం దేవరకద్ర నియోజకవర్గంలో ప్రియాంక పర్యటన రద్దయింది.
అలాగే నవంబర్‌ ఒకటి, రెండు తేదీల్లో కాంగ్రెస్ అగ్రనేత రాహుల్ గాంధీ (Rahul Gandhi) తెలంగాణలో పర్యటిస్తారు. 1వ తేదీన కల్వకుర్తి, జడ్చర్ల షాద్‌నగర్‌ సభల్లో ఆయన పాల్గొంటారు. నవంబర్‌ 2వ తేదీన మేడ్చల్‌, మల్కాజ్‌గిరి, కుత్బుల్లాపూర్‌ సభల్లో పాల్గొని ప్రసంగిస్తారు. రాహుల్ తొలివిడత యాత్రకు మంచి స్పందన వచ్చిందని.. ఈ యాత్రను కూడా విజయవంతం అవుతుందని రాష్ట్ర కాంగ్రెస్ నేతలు భావిస్తున్నారు. కాగా ఈనెల 18 నుంచి మూడురోజుల పాటు రాహుల్, ప్రియాంక గాంధీ ఉత్తర తెలంగాణలో తొలివిడత విజయభేరి బస్సు యాత్ర చేపట్టిన విషయం తెలిసిందే. కాంగ్రెస్. ఉమ్మడి వరంగల్‌, కరీంనగర్‌, నిజామాబాద్‌ జిల్లాల్లో యాత్ర సాగింది.
Updated Date - 2023-10-31T09:06:15+05:30 IST