Jaggareddy: 6 గ్యారెంటీలను రేవంత్‌రెడ్డి కచ్చితంగా అమలు చేస్తారు
ABN, First Publish Date - 2023-12-09T22:29:39+05:30
కాంగ్రెస్ చెప్పిన 6 గ్యారెంటీలను ముఖ్యమంత్రి రేవంత్‌రెడ్డి కచ్చితంగా అమలు చేస్తారని టీపీసీసీ వర్కింగ్ ప్రెసిడెంట్ జగ్గారెడ్డి ( Jaggareddy ) తెలిపారు. శనివారం నాడు సంగారెడ్డి జిల్లా పఠాన్ చెరువు ఇస్నాపూర్ నుంచి రుద్రారం వరకు ఆర్టీసీ బస్సు ఎక్కి జగ్గారెడ్డి ప్రయాణం చేశారు. బస్సులో ప్రయాణం చేసి ఉచిత టికెట్‌పై మహిళలతో జగ్గారెడ్డి మాట్లాడారు.
సంగారెడ్డి జిల్లా: కాంగ్రెస్ చెప్పిన 6 గ్యారెంటీలను ముఖ్యమంత్రి రేవంత్‌రెడ్డి కచ్చితంగా అమలు చేస్తారని టీపీసీసీ వర్కింగ్ ప్రెసిడెంట్ జగ్గారెడ్డి ( Jaggareddy ) తెలిపారు. శనివారం నాడు సంగారెడ్డి జిల్లా పఠాన్ చెరువు ఇస్నాపూర్ నుంచి రుద్రారం వరకు ఆర్టీసీ బస్సు ఎక్కి జగ్గారెడ్డి ప్రయాణం చేశారు. బస్సులో ప్రయాణం చేసి ఉచిత టికెట్‌పై మహిళలతో జగ్గారెడ్డి మాట్లాడారు. ఈ సందర్భంగా జగ్గారెడ్డి మాట్లాడుతూ... ‘‘జీవితంలో కాంగ్రెస్ పార్టీని మరవకండి. సోనియా గాంధీ, రాహుల్ గాంధీ, సీఎం రేవంత్‌రెడ్డి మాట ఇచ్చిన్నట్లే ఈ రోజు మహాలక్ష్మి పథకం కింద ఆర్టీసీ బస్సులో మహిళలకు టికెట్ లేకుండా ఫ్రీ గా ప్రయాణం ప్రారంభించారు. టికెట్ లేకుండా ప్రయాణంపై మహిళలు హర్షం వ్యక్తం చేస్తున్నారు. కాంగ్రెస్ పార్టీ మాట ఇస్తే నిలబెట్టుకుంటుంది. ఇంకా మహిళల కోసం సోనియా గాంధీ, రాహుల్ గాంధీ, సీఎం రేవంత్‌రెడ్డి ఎన్నికలో చెప్పిన్నట్లే అన్ని పథకాలు అమలు చేస్తారు. గృహిణిలకు కూడా త్వరలో 2500 రూపాయలు కాంగ్రెస్ పార్టీ ఇస్తుంది’’ అని జగ్గారెడ్డి స్పష్టం చేశారు.
Updated Date - 2023-12-09T22:29:42+05:30 IST