Mynampally Rohit Rao: ఈ ఎన్నికలు సిద్దిపేట పెత్తందారితనానికి.. మెదక్ ఆత్మగౌరవానికి జరిగే పోటీ
ABN, First Publish Date - 2023-10-12T20:24:57+05:30
వచ్చే తెలంగాణ అసెంబ్లీ ఎన్నికలు(Telangana Assembly Elections) సిద్దిపేట పెత్తందారితనానికి మెదక్ ఆత్మగౌరవానికి జరిగే పోటీ అని కాంగ్రెస్ నేత మైనంపల్లి రోహిత్‌రావు(Mynampally Rohit Rao) అన్నారు.
మెదక్: వచ్చే తెలంగాణ అసెంబ్లీ ఎన్నికలు(Telangana Assembly Elections) సిద్దిపేట పెత్తందారితనానికి మెదక్ ఆత్మగౌరవానికి జరిగే పోటీ అని కాంగ్రెస్ నేత మైనంపల్లి రోహిత్‌రావు(Mynampally Rohit Rao) అన్నారు. గురువారం నాడు మెదక్ జిల్లా చిన్న శంకరంపేట మండలంలో కాంగ్రెస్ పార్టీ ఆత్మీయ సమ్మేళనం నిర్వహించింది. ఈ సమ్మేళనంలో కాంగ్రెస్ నేత రోహిత్‌రావు పాల్గొన్నారు. ఈ సందర్భంగా మైనంపల్లి రోహిత్ మీడియాతో మాట్లాడుతూ..‘‘ మెదక్ పక్కనున్న నియోజకవర్గంలో వెయ్యి పడకల ఆస్పత్రిని ప్రారంభిస్తారు. మెదక్‌లో మాత్రం 100 పడకల ఆస్పత్రికి కొబ్బరికాయ కొడతారు. అక్కడ అభివృద్ధి.. ఇక్కడ మాత్రం శూన్యం. మాకు ఎప్పుడూ కూడా డబ్బులు సంపాదించుకోవాలన్న ఉద్దేశం లేదు.. వేల ఎకరాలు సంపాదించుకోవాలనే ఉద్దేశం మాకు లేదు. ఐదు ఎకరాలు ఉన్నవారు వేల ఎకరాలను ఎలా సంపాదించారు. కానీ వ్యాపారంలో వచ్చిన డబ్బులను రాజకీయంగా పేద ప్రజలకు మేలు చేయడానికి ఖర్చు చేస్తున్నాం’’ అని మైనంపల్లి రోహిత్‌రావు పేర్కొన్నారు.
Updated Date - 2023-10-12T20:24:57+05:30 IST