TS NEWS: సిద్దిపేట జిల్లాలో ఘోర రోడ్డు ప్రమాదం ఇద్దరి మృతి, 10 మందికి గాయాలు
ABN, First Publish Date - 2023-12-10T23:18:40+05:30
జిల్లాలో ఘోర రోడ్డు ప్రమాదం జరిగింది. ఆటో - ట్రాలీ ఢీకొని ఇద్దరు మృతి చెందగా... 10 మందికి గాయాలయ్యాయి. ఈ ఘటన జగదేవ్‌పూర్ మండలం మునిగడప గ్రామ శివారులో చోటుచేసుకుంది. ఈ ప్రమాదంలో మృతిచెందిన మహిళలు జయమ్మ, శిరీష‌గా గుర్తించారు.
సిద్దిపేట జిల్లా: జిల్లాలో ఘోర రోడ్డు ప్రమాదం జరిగింది. ఆటో - ట్రాలీ ఢీకొని ఇద్దరు మృతి చెందగా... 10 మందికి గాయాలయ్యాయి. ఈ ఘటన జగదేవ్‌పూర్ మండలం మునిగడప గ్రామ శివారులో చోటుచేసుకుంది. ఈ ప్రమాదంలో మృతిచెందిన మహిళలు జయమ్మ, శిరీష‌గా గుర్తించారు. వీరంతా కూలీ పనికి వెళ్లి తిరుగు ప్రయాణంలో ఈ ఘటన జరిగింది. ఆటోలో మొత్తం 12 మంది ప్రయాణికులు ఉన్నారు. క్షతగాత్రులు అందరూ కొమురవెల్లి మండలం గురువన్నపేట గ్రామస్తులుగా తెలుస్తోంది. స్థానికులు పోలీసులకు సమాచారం అందించారు. సమాచారం అందిన వెంటనే పోలీసులు సంఘటన స్థలానికి వచ్చి పరిసరా ప్రాంతాలను పరిశీలించారు. క్షతగాత్రులను స్థానిక ఆస్పత్రికి తరలించారు. మృతిచెందిన మహిళల మృతదేహాలను పోస్టుమార్ట కోసం తరలించారు. పోలీసులు కేసు నమోదు చేసుకుని దర్యాప్తు ప్రారంభించారు. ఈప్రమాదంపై కుటుంబ సభ్యులకు పోలీసులు సమాచారం అందించారు.
Updated Date - 2023-12-10T23:18:47+05:30 IST