Jagadish Reddy: బీజేపీకి తోక పార్టీ అనేలా కాంగ్రెస్ ప్రవర్తన
ABN, First Publish Date - 2023-08-01T16:21:42+05:30
కాంగ్రెస్ పార్టీ బీజేపీకి తోక పార్టీ అనేది నిజమనేలా కాంగ్రెస్ ప్రవర్తిస్తోందని మంత్రి జగదీష్ రెడ్డి అన్నారు.
సూర్యాపేట: కాంగ్రెస్ పార్టీ బీజేపీకి తోక పార్టీ అనేది నిజమనేలా కాంగ్రెస్ ప్రవర్తిస్తోందని మంత్రి జగదీష్ రెడ్డి (Minister Jagadish Reddy)అన్నారు. మంగళవారం మీడియాతో మాట్లాడుతూ.. వరదలను రాజకీయం చేస్తున్న బురద ప్రతిపక్ష నాయకులు అంటూ మండిపడ్డారు. వరదలపై కేసీఆర్ (CM KCR) అనుక్షణం పర్యవేక్షించారన్నారు. ఇంత వర్షంలో కూడా ఎక్కడా కరెంట్ పోకుండా చేశామన్నారు. వరద సమస్యలపై ఎప్పటికప్పుడు స్పందించి చర్యలు చేపట్టామన్నారు. నాలుగేళ్ళ నుంచి వరదలు వస్తున్నా బీజేపీ పట్ల భక్తిని చాటుతూ బీజేపీ (BJP) ఏజెంట్లలా కాంగ్రెస్ (Congress) వ్యవహరిస్తోందని తెలిపారు. గుజరాత్‌లో రాని వరదలకు నిధులు ఇచ్చే కేంద్రం తెలంగాణాకు మాత్రం ఒక్క పైసా ఇవ్వడంలేదన్నారు. వరదలపై మూడు సార్లు కేంద్ర బృందాలు వచ్చి పరిశీలించినా పైసా నష్టపరిహారం ఇవ్వలేదని తెలిపారు. కాంగ్రెస్ వ్యవహారం బీజేపీకి అనుకూలమని మరోసారి స్పష్టం అవుతోందని మంత్రి జగదీష్ రెడ్డి వ్యాఖ్యలు చేశారు.
Updated Date - 2023-08-01T16:21:42+05:30 IST