Jagdish Reddy: చిల్లర రాజకీయాలు చేసే నేతలను గమనించాలి
ABN, First Publish Date - 2023-10-04T21:58:21+05:30
చిల్లర రాజకీయాలు చేసే నేతలను ప్రజలు గమనించాలని మంత్రి జగదీష్‌రెడ్డి ( Minister Jagdish Reddy)వ్యాఖ్యానించారు.
నల్గొండ: చిల్లర రాజకీయాలు చేసే నేతలను ప్రజలు గమనించాలని మంత్రి జగదీష్‌రెడ్డి ( Minister Jagdish Reddy)వ్యాఖ్యానించారు. బుధవారం నాడు చండూరు రెవిన్యూ డివిజన్ కార్యాలయాన్ని ప్రారంభించారు. ఈ సందర్భంగా మంత్రి జగదీష్‌రెడ్డి మీడియాతో మాట్లాడుతూ...‘‘2018లో మునుగోడు నియోజకవర్గంలో బీఆర్ఎస్ అభ్యర్థి ఓడిపోయారని.. అప్పటి నుంచి మునుగోడు అభివృద్ధి ఆగిపోయిందని చెప్పారు. ఉపఎన్నికల్లో బీఆర్ఎస్ అభ్యర్థి విజయంతో 16నెలల్లోనే రూ.550 కోట్లతో మునుగోడు నియోజకవర్గం అభివృద్ధి చెందుతోందన్నారు. 100 పడకల ఆస్పత్రిని ప్రమాదాలు ఎక్కువగా జరిగే చౌటుప్పల్‌ ప్రాంతంలో అవసరం కాబట్టే అక్కడ ఏర్పాటు చేశాం. నియోజకవర్గంలో అప్పటి ఎమ్మెల్యే చెక్కులు పంచలేదు. నేను చెక్కులను పంపిణీ చేసే క్రమంలో మైకు గుంజుకున్న అప్పటి ఎమ్మెల్యేకు తగిన శాస్తి జరిగింది. మాయమాటలు చెప్పే గుంటనక్కలాంటి నేతల మాటలు నమ్మొద్దని జగదీష్‌రెడ్డి పేర్కొన్నారు.
Updated Date - 2023-10-04T21:58:21+05:30 IST