Revanth Reddy : కోమటిరెడ్డి నివాసానికి రేవంత్ రెడ్డి..
ABN, First Publish Date - 2023-06-21T13:02:49+05:30
ఎందుకోగానీ మాజీ ఎంపీ పొంగులేటి శ్రీనివాసరెడ్డి, మాజీ మంత్రి జూపల్లిలు కాంగ్రెస్ పార్టీ నేతలతో మీటింగ్‌ల మీద మీటింగ్‌లు నిర్వహిస్తున్నారు. అయితే వారిద్దరూ ఒక నిర్ణయానికి రాలేకపోతున్నారో ఏమో కానీ పార్టీలో చేరికపై ప్రకటన మాత్రం చేయడం లేదు. ఇవాళ కూడా కాంగ్రెస్ పార్టీ కీలక నేతలతో మరోసారి పొంగులేటి, జూపల్లిల భేటీ జరగనుంది.
హైదరాబాద్ : ఎందుకోగానీ మాజీ ఎంపీ పొంగులేటి శ్రీనివాసరెడ్డి, మాజీ మంత్రి జూపల్లి కృష్ణారావులు కాంగ్రెస్ పార్టీ నేతలతో మీటింగ్‌ల మీద మీటింగ్‌లు నిర్వహిస్తున్నారు. అయితే వారిద్దరూ ఒక నిర్ణయానికి రాలేకపోతున్నారో ఏమో కానీ పార్టీలో చేరికపై ప్రకటన మాత్రం చేయడం లేదు. ఇవాళ కూడా కాంగ్రెస్ పార్టీ కీలక నేతలతో మరోసారి పొంగులేటి, జూపల్లిల భేటీ జరగనుంది. ఈ భేటీ కోసం కోమటిరెడ్డి నివాసానికి రేవంత్ వెళ్లడం ఆసక్తికరంగా మారింది. రేవంత్ ఇప్పటికే కోమటిరెడ్డి నివాసానికి చేరుకున్నారు. మీ ఇంటికి వస్తానని కోమటిరెడ్డికి రేవంత్ ముందుగానే సమాచారం ఇచ్చినట్టు తెలుస్తోంది. అక్కడి నుంచి బయలుదేరి ఇద్దరూ కలిసి జూపల్లి నివాసానికి వెళ్లనున్నారు. జూపల్లి నివాసంలో ఎమ్మెల్సీ దామోదర్ రెడ్డి, ఆయన కుమారుడు రాజేష్ రెడ్డితో భేటీ కానున్నారు. జూపల్లి ఇంటి నుంచి తిరిగి నేతలంతా కలిసి పొంగులేటి ఇంటికి రానున్నారు.
Updated Date - 2023-06-21T13:02:49+05:30 IST