RTC: దసరా, బతుకమ్మ పండుగలకు ఆర్టీసీ ప్రత్యేక బస్సులు
ABN, First Publish Date - 2023-10-11T12:22:45+05:30
దసరా, బతుకమ్మ(Dussehra, Bathukamma) పండుగల సందర్బంగా ఆర్టీసీ 695 అదనపు ప్రత్యేక బస్సులను ఏర్పాటు చేసినట్లు
ఖమ్మం: దసరా, బతుకమ్మ(Dussehra, Bathukamma) పండుగల సందర్బంగా ఆర్టీసీ 695 అదనపు ప్రత్యేక బస్సులను ఏర్పాటు చేసినట్లు రీజనల్‌ మేనేజర్‌ సీహెచ్‌ వెంకన్న తెలిపారు. ఉమ్మడి ఖమ్మం జిల్లాల పరిధిలోని ఆరు డిపోల పరిధిలో ఈ బస్సులను ఏర్పాటు చేసినట్లు తెలిపారు. ఈ ప్రత్యేక బస్సుల్లో ఎటువంటి అదనపు చార్జీలు ఉండవని, సాధారణ చార్జీలతోనే ప్రయాణించవచ్చునని తెలిపారు. ఈ నెల 13నుంచి 23వతేదీ వరకు ఈ ప్రత్యేక బస్సులు అందుబాటులో ఉంటాయని తెలిపారు. తిరుగు ప్రయాణంలో ఈ నెల 25నుంచి 29వ తేదీ వరకు అందుబాటులో ఉంటాయని తెలిపారు. ఈ బస్సులలో అడ్వాన్స్‌ రిజర్వే షన్‌ అందుబాటులో ఉంటాయని తెలిపారు. రీజియన్‌ పరిధిలోని అన్ని డిపోల పరిదిలో ఈ ప్రత్యేక బస్సులు అందుబాటులో ఉంటాయని, ఖమ్మం నుంచి హైద్రాబా ద్‌కు 24 గంటలు అందుబాటులో ఉంటాయని తెలిపారు. వివరాలకు ఖమ్మం నూతన బస్టాండ్‌ ఎంక్వైరీ నెం. 9959225979 సంప్రదించాలని తెలిపారు.
Updated Date - 2023-10-11T12:22:45+05:30 IST