Warangal: మోకాళ్లపై మెట్లెక్కి.. మొక్కులు తీర్చుకున్న కాంగ్రెస్‌ నాయకుడు
ABN, First Publish Date - 2023-12-05T13:12:03+05:30
పాలకుర్తి ఎమ్మెల్యేగా యశస్విని రెడ్డి(Yashaswini Reddy) గెలిచిన సందర్భంగా పాలకుర్తి మండల కేంద్రానికి
- పాలకుర్తిలో యశస్విని గెలుపు పట్ల హర్షం
పాలకుర్తి(వరంగల్): పాలకుర్తి ఎమ్మెల్యేగా యశస్విని రెడ్డి(Yashaswini Reddy) గెలిచిన సందర్భంగా పాలకుర్తి మండల కేంద్రానికి చెందిన పార్టీ కార్యకర్త జూకంటి బీరన్న స్థానిక శ్రీ సోమేశ్వర లక్ష్మీనర్సింహస్వామి ఆలయంలో పూజలు చేశారు. సోమవారం మోకాళ్లపై ఆలయ మెట్లెక్కి మొక్కులు తీర్చుకున్నాడు. ఈ సందర్భంగా ఆయన మాట్లాడుతూ పాలకుర్తిలో కాంగ్రెస్‌ గెలిచినందుకు మొక్కులు తీర్చుకున్నట్లు తెలిపారు. అదేవిధంగా ఈరవెన్ను గ్రామశాఖ కాంగ్రెస్‌ అధ్యక్షుడు బిర్రు సోమేశ్వర్‌ ఆధ్వర్యంలో ఆ పార్టీ శ్రేణులు మెట్టుకో కొబ్బరికాయ కొట్టి మొక్కలు చెల్లించారు. ఈ సందర్భంగా సోమేశ్వర్‌ మాట్లాడుతూ పాలకుర్తి నియోజకవర్గంలో కాంగ్రెస్‌ పార్టీ గెలవడం ఇదే మొదటిసారి అన్నారు. యశస్వినిరెడ్డిని గెలిపించిన ప్రజలకు కృతజ్ఞతలు తెలిపారు.
Updated Date - 2023-12-05T13:12:04+05:30 IST