Mutyandara Falls: చిక్కుకున్న పర్యాటకులు సేఫ్
ABN, First Publish Date - 2023-07-27T04:50:53+05:30
వెంకటాపురం మండలం వీరభద్రవరం అడవుల్లో చిక్కుకున్న 83మంది పర్యాటకులు సురక్షితంగా బయటకు వచ్చేశారు.
ములుగు(Mulugu): వెంకటాపురం మండలం వీరభద్రవరం అడవుల్లో చిక్కుకున్న 83మంది పర్యాటకులు సురక్షితంగా బయటకు వచ్చేశారు. ముత్యందార జలపాతం( Mutyandara Falls) చూడడానికి వెళ్లి పర్యాటకులు అటవీ మార్గంలో చిక్కుకున్నారు. పర్యాటకులు వస్తున్న క్రమంలో మధ్యలో వాగు పొంగడంతో తిరిగిరాలేక పర్యాటకులు అక్కడే ఉండిపోయారు. 8 గంటల తర్వాత పర్యాటకులు క్షేమంగా రావడంతో అధికారులు, బంధువులు ఊపిరి పీల్చుకున్నారు. 8 గంటల ఉత్కంఠకు తెరపడింది. మొదటగా వారి ఆచూకీ కోసం NDRF బృందం, రెవెన్యూ, ఫారెస్టు అధికారులు చర్యలు చేపట్టారు. వీరభద్రవరం రూట్ కాకుండా వేరే మార్గంలో పర్యాటకులు అంకన్నగూడెం చేరుకున్నారు. పర్యాటకులను కలెక్టర్ ఐలా త్రిపాఠీ, ఎస్పీ గౌస్ ఆలం రిసీవ్ చేసుకుని క్షేమంగా ఇళ్లకు పంపించారు.
Updated Date - 2023-07-27T04:50:53+05:30 IST