తిరుపతిలో 8 హోటళ్లకు బాంబు బెదిరింపులు
ABN, Publish Date - Oct 30 , 2024 | 05:47 AM
తిరుపతిలో ఎనిమిది హోటళ్లకు బాంబు బెదిరింపులు వచ్చాయి. మంగళవారం రాత్రి 9.30 గంటల నుంచి వరుసగా ఈ హోటళ్లకు బెదిరింపు మెయిల్స్‌ పంపారు.
తిరుపతి క్రైం, అక్టోబరు 29(ఆంధ్రజ్యోతి): తిరుపతిలో ఎనిమిది హోటళ్లకు బాంబు బెదిరింపులు వచ్చాయి. మంగళవారం రాత్రి 9.30 గంటల నుంచి వరుసగా ఈ హోటళ్లకు బెదిరింపు మెయిల్స్‌ పంపారు. ఇప్పటివరకు బెదిరింపులే రాగా.. ఈసారి మాత్రం గ్యాస్‌, వాటర్‌ పైపులైన్లు, మురుగునీటి పైపులలో పేలుడు పదార్థాలు ఉంచామని పేర్కొన్నారు. ఇలా తాజ్‌, బ్లిస్‌, మినర్వా, చక్రి, పాయ్‌ వైస్రాయ్‌, రీనెస్టు, గోల్డెన్‌ దులిఫ్‌, రమీ గెస్ట్‌లైన్‌ హోటళ్లకు మెయిల్స్‌ వచ్చాయి. డీఎస్పీ వెంకటనారాయణ పర్యవేక్షణలో పోలీసులు, డాగ్‌, బాంబు స్క్వాడ్‌లు హోటళ్లను తనిఖీ చేయగా.. ఎక్కడా పేలుడు పదార్థాలు లభించలేదు.
Updated Date - Oct 30 , 2024 | 05:47 AM
