TDP Vs YCP: నీ మాటలు కంట్రోల్ చేసుకుంటే మంచిది.. పెద్దిరెడ్డికి నల్లారి సీరియస్ వార్నింగ్
ABN, Publish Date - Jan 29 , 2024 | 03:07 PM
Andhrapradesh: టీడీపీ అధినేత చంద్రబాబుపై రాళ్ల దాడి చేస్తామంటూ మంత్రి పెద్దిరెడ్డి రామచంద్రారెడ్డి చేసిన వ్యాఖ్యలపై టీడీపీ జాతీయ ప్రధాన కార్యదర్శి నల్లారి కిషోర్ కుమార్ రెడ్డి సీరియస్ వార్నింగ్ ఇచ్చారు. సోమవారం మీడియాతో మాట్లాడుతూ.. పాపాల పెద్దిరెడ్డి అవినీతి గురించి చంద్రబాబు మాట్లాడితే పెద్దిరెడ్డికి అంత కోపం వస్తోందన్నారు.
తిరుపతి, జనవరి 29: టీడీపీ అధినేత చంద్రబాబుపై (TDP Chief Chandrababu Naidu) రాళ్ల దాడి చేస్తామంటూ మంత్రి పెద్దిరెడ్డి రామచంద్రారెడ్డి (Minister Peddireddy Ramachandrareddy) చేసిన వ్యాఖ్యలపై టీడీపీ జాతీయ ప్రధాన కార్యదర్శి నల్లారి కిషోర్ కుమార్ రెడ్డి (TDP Leader Nallari Kishor Kumar Reddy) సీరియస్ వార్నింగ్ ఇచ్చారు. సోమవారం మీడియాతో మాట్లాడుతూ.. పాపాల పెద్దిరెడ్డి అవినీతి గురించి చంద్రబాబు మాట్లాడితే పెద్దిరెడ్డికి అంత కోపం వస్తోందన్నారు. స్కూటర్‌లో తిరిగిన పెద్దిరెడ్డి ఈరోజు ఇన్ని కోట్లు ఎలా సంపాదించాడని వివరాలతో సహా వైసీపీ ఎమ్మెల్యే ఆదిమూలం బట్టబయలు చేశారన్నారు.
వైసీపీ పార్టీకే చెందిన ఎమ్మెల్యే ఇప్పుడు పెద్దిరెడ్డి గురించి నిజాలు చెబుతున్నారన్నారు. రేపు ఎన్నికల్లో ప్రజలు కూడా పాపాల పెద్దిరెడ్డి అవినీతిని రోడ్డుపైన పెడతారని.. ఎండగడతారని వ్యాఖ్యలు చేశారు. తన అవినీతిని బట్టబయలు చేసిన అందరిపైన పెద్దిరెడ్డి రాళ్ల దాడి చేస్తారా అని ప్రశ్నించారు. దిగజారుడు మాటలను పెద్దిరెడ్డి కంట్రోల్ చేసుకుంటే మంచిది, లేదంటే ప్రజలే సరైన విధంగా బుద్ధి చెబుతారని నల్లారి కిషోర్ కుమార్ రెడ్డి హెచ్చరించారు.
మరిన్ని ఏపీ వార్తల కోసం ఇక్కడ క్లిక్ చేయండి...
Updated Date - Jan 29 , 2024 | 03:07 PM
