విజయదుర్గాదేవి ఆలయంలో రాహుకాల పూజలు
ABN, Publish Date - Oct 15 , 2024 | 11:26 PM
విజయదుర్గాదేవి ఆలయంలో మంగళవారం రాహుకాల సమయంలో భక్తులు అమ్మవారికి ప్రీతికరమైన నిమ్మకాయ దీపాలు వెలిగించి నవగ్రహ పూజలు చేశారు.
కడప కల్చరల్‌, అక్టోబరు 15(ఆంధ్రజ్యోతి) : విజయదుర్గాదేవి ఆలయంలో మంగళవారం రాహుకాల సమయంలో భక్తులు అమ్మవారికి ప్రీతికరమైన నిమ్మకాయ దీపాలు వెలిగించి నవగ్రహ పూజలు చేశారు. ఈ రాహుకాల పూజలు గత 18 సంవత్సరాలుగా క్రమం తప్పకుండా చేస్తున్నామని, ఈ పూజల్లో జిల్లా నలుమూలల నుంచి వందలాది మంది భక్తులు పాల్గొంటున్నారని నిర్వాహకులు తెలిపారు. మంగళవారం తెల్లవారుజామున పంచామృతాభిషేకం నిర్వహించి అనంతరం విజయదుర్గాదేవిని చక్కగా అలంకరించి భక్తులకు దర్శనభాగ్యం కల్పించారు. ఆలయ అర్చకస్వాములు, మధ్యాహ్నం 3 నుంచి 4.30 వరకు అమ్మవారి సన్నిధిలో రాహుకాల పూజలు నిర్వహించారు. భక్తులకు పూజా విధానాన్ని వివరించారు.
Updated Date - Oct 15 , 2024 | 11:26 PM
