గాయత్రీదేవిగా కటాక్షించిన వాసవీమాత

మదనపల్లె అర్బన, అక్టోబరు4: దసరా శరన్నవరాత్రి ఉత్సవాల్లో భాగంగా మదనపల్లె రెండో రోజైన శుక్రవారం వాసవీ కన్యకాపరమేశ్వరి గాయత్రీదే విగా భక్తులకు దర్శనమిచ్చారు. మదనపల్లె పట్టణంలోని వాసవీభవన వీధిలో వాసవీ కన్యాకాపరమేశ్వరీ దేవికి మదనపల్లె ఆర్యవైశ్య సంఘం అనుబంద సంస్థల ఆధ్వర్యంలో అమ్మవారిని గాయత్రిదేవి అలంకరణతో విశేషంగా పూజలు చేసి భక్తులకు దర్శనం కల్పించారు. మదనపల్లె ఆర్యవైశ్యసంఘం అథ్యక్షుడు పూనగంటి ఓంప్రకాష్‌, ఉపాధ్యక్షుడు దేవతా సతీష్‌, కార్చదర్శి సూరేగిరిధర్‌ పాల్గొన్నారు. దేవతానగర్‌లోని రాజరా జేశ్వరీదేవి ఆలయంలో అమ్మవారిని మహాలక్ష్మీదేవి అలంకరణ చేసి భక్తులకు దర్శనభాగ్యం కల్పించారు. దేఽవళంవీధిలోని సోమేశ్వరస్వామి ఆలయంలో అమ్మవారిని లలిత త్రిపురసుందరీదేవి అలంకరణ చేసి విశేషంగా పూజలు నిర్వహించారు. దేవళంవీదిలోని ప్రసన్న వెంకటర మణస్వామి ఆలయంలో ఆలయ ఈవో రమణ ఆధ్వర్యంలో మహలక్ష్మీ అలంకరణ వైభవంగా నిర్వహించారు. అనపగుట్టలో ఉన్న అభయలక్ష్మీ నరసింహాస్వామి ఆలయంలో లక్ష్మీనరసంహుడికి కుంకుమ అలంకరణతో పూజలు నిర్వహించారు. పెద్దఎత్తున భక్తులు పూజల్లో పాల్గొన్నారు. అలాగే పట్టణంలోని నాగిరెడ్డివీధిలో జనసేన పార్టీ కార్యాలయంలో దుర్గమాతను ప్రతిష్టించి 9 రోజులపాటు పూజలు నిర్వహించి ఈ నెల 13న ఏకదశమి రోజు ఊరేగింపుగా వెళ్లి తట్టివారిపల్లె చెరువులో నిమజ్జ నం చేస్తున్నట్లు నిర్వాహకులు విజయేంద్ర, నవాజ్‌, సోను, పూర్ణేష్‌, సత్య, దిపక్‌, దానేష్‌, స్వాహిల్‌ తెలిపారు. మండలంలోని కురవంకలోని భువనేశ్వరి ఆలయంలో దుర్గమాతకు విశేషపూజలు నిర్వహించారు. కోర్టులో వెలసిన గంగమ్మకు కుంకుమ అలంకరణ చేసి ఆలయకమిటీ అధ్యక్షుడు చిన్నరెడ్డెప్ప, కార్యదర్శి మార్పూరి ప్రభాకర్‌నాయుడు, ఉపాధ్య క్షుడు పెరవలి వేణుగోపాల్‌నాయుడు, కమిటీ సభ్యులు భక్తులకు దర్శనం కల్పించారు. నీరుగటగ్టువారిపల్లెలోని చౌడేశ్వరీదేవి ఆలయంలో కుంకుమ అలంకరణ చేసి ఆలయకమిటీ అధ్యక్షుడు పురాణం చంద్రశేఖర్‌, కోశాధి కారి రామిశెట్టి రత్నమయ్య, కార్యదర్శి పవనకుమార్‌ల పర్యవేక్షణలో భక్తులకు అన్నదానం చేశారు.

ములకలచెరువులో: స్థానిక పీటీయం రోడ్డులో వెలసిన రాసవీ కన్యకా పరమేశ్వరీ అమ్మవారు శుక్రవారం అన్నపూర్ణ దేవి అలంకరణలో భక్తులకు దర్శనమిచ్చారు. అమ్మవారి నవరాత్రి ఉత్సవాల్లో బాగంగా ఆలయంలో ప్రత్యేక పూజలు, అభిషేకాలు నిర్వహించారు. భక్తులు అధిక సంఖ్యలో పాల్గొని అమ్మవారిని దర్శించుకున్నారు.

పీలేరులో: శరన్నవరాత్రుల ఉత్సవాలలో భాగంగా శుక్రవారం పీలేరు గ్రామ దేవత రౌద్రాల అంకాళమ్మ గాయత్రి దేవి అలంకరణలో భక్తులకు దర్శనమిచ్చారు. నెహ్రూబజారులోని కన్యకా పరమేశ్వరి అమ్మవారు గాయత్రీదేవిగా, మోడల్‌ కాలనీ వద్దనున్న ఎల్లమ్మ, ఇందిరమ్మ కాలనీ వద్దనున్న దిన్నె గంగమ్మలు బాలాత్రిపుర సుందరి అలంకారాల్లో దర్శన మిచ్చారు. దేవీ నవరాత్రులతోపాటు శుక్రవారం కూడా కలిసి రావడంతో మహిళలు అమ్మవార్లను పెద్దఎత్తున దర్శించుకున్నారు. ఆయా ఆలయాల నిర్వాహకులు భక్తులకు తీర్థప్రసాదాలు అందజేశారు.

వాల్మీకిపురంలో: వాల్మీకిపురం మండలం వ్యాప్తంగా దసరా శరన్నవరా త్రి వేడుకలు వైభవంగా సాగుతున్నాయి. మండలంలోని సత్యమ్మతల్లి ఆలయంలో అమ్మవారు గాయత్రిదేవి గాను, స్థానిక కోనేటివీధి శివాలయంలో మీనాక్షి దేవిగాను, నల్లవీర గంగాభవానీ ఆలయంలో గాయత్రీదేవిగాను, బజారు వీధిలోని కన్యకాపరమేశ్వరి ఆలయంలో పద్మావతి దేవిగాను, చింతపర్తి వాసవీ అమ్మవారి ఆలయంలో హరిద్రాదేవిగాను, గొల్లపల్లె విరూపాక్షమ్మ ఆలయంలో గాయత్రీదేవి అలంకరణలో భక్తులకు దర్శనమిచ్చారు. ఈ సందర్భంగా ఆలయాలు భక్తులతో కిటకిటలాడాయి. కార్యక్రమాలలో ఆలయాల ధర్మకర్తలు పులి సత్యారెడ్డి, కాంతరాజు, రమణారెడ్డి, కువైట్‌ శంకర, సతీష్‌ పాల్గొన్నారు.

గుర్రంకొండలో:గుర్రంకొండ మండలం చెర్లోపల్లె రెడ్డెమ్మ అమ్మవారు బాలా త్రిపుర సుందరిగా భక్తులకు దర్శనమిచ్చారు. అమ్మవారి శరన్నవ రాత్రి ఉత్సవాల్లో భాగంగా శుక్రవారం అమ్మవారికి విశేష పూజలను చేశారు. అనంతరం మహిళల చేత సామూహిక కుంకుమార్చనను చేయించారు. కార్యక్రమంలో ఈవో మంజుల, సిబ్బంది పాల్గొన్నారు.

కలకడలో:మండలంలోని కోన గ్రామంలో వెలసిన చౌడేశ్వరి దేవి అమ్మవారు శుక్రవారం గాయత్రీదేవిగా భక్తులకు దర్శనమిచ్చారు. అమ్మ వారి దసరా ఉత్సవాల్లో భాగంగా ఆయలంలో ఉదయాన్నే అర్చన, పంచామృతాభిషేకం, విశేష పూజలను చేశారు. అమ్మవారిని దర్శించుకోవడానికి అధిక సంఖ్యలో భక్తులు వచ్చారు.

కురబలకోటలో: దసరాశరన్నవరాత్రుల ఉత్సవాలలో భాగంగా కన్యకాప రమేశ్వరీ అమ్మవారు బాలాత్రిపుర సుందరి అలంకరణలో శుక్రవారం దర్శనమిచ్చారు. కురబలకోట కన్యకాపరమేశ్వరీ ఆలయంలో అమ్మవారిని ప్రత్యేకంగా అలంకరించి పూజలు నిర్వహించారు. భక్తులతో ఆలయం కిటకిటలాడింది. అనంతరం భక్తులకు తీర్థప్రసాదాలను అందజేశారు.

కలికిరిలో: దసరా ఉత్సవాల్లో భాగంగా రెండవ రోజు స్థానిక గ్రామ దేవత ఎల్లమ్మ తల్లి గాయత్రీదేవి అలంకరణలో భక్తులను అలరించింది. ఉదయాన్నే విశేష పూజలు, అభిషేకాలు చేశారు. ఆలయ నిర్వాహకులు అశోక్‌కుమార్‌ రెడ్డి, మధుసూదన రెడ్డి, సురేంద్ర రెడ్డి భక్తులకు అవస రమైన ఏర్పాట్లు చేసి తీర్థ ప్రసాదాలను పంపిణీ చేశారు.