TDP: వసంత నాగేశ్వరరావును కలిసిన అయ్యన్న పాత్రుడు.. కారణమిదే..?
ABN, Publish Date - Feb 25 , 2024 | 10:36 PM
ఎమ్మెల్యే వసంత కృష్ణ ప్రసాద్ తండ్రి వసంత నాగేశ్వరరావును మాజీమంత్రి అయ్యన్న పాత్రుడు ఆదివారం నాడు కలిశారు. వసంత కృష్ణ ప్రసాద్ టీడీపీలోకి వస్తున్నారని అయ్యన్న పాత్రుడు స్పష్టం చేశారు.
ఎన్టీఆర్ జిల్లా (నందిగామ): ఎమ్మెల్యే వసంత కృష్ణ ప్రసాద్ తండ్రి వసంత నాగేశ్వరరావును మాజీమంత్రి అయ్యన్న పాత్రుడు ఆదివారం నాడు కలిశారు. వసంత కృష్ణ ప్రసాద్ టీడీపీలోకి వస్తున్నారని అయ్యన్న పాత్రుడు స్పష్టం చేశారు. ఇప్పటికే మైలవరం టికెట్ ఆయనకు కంఫార్మ్ అయిందని తెలిపారు. మైలవరం సీటుపై ప్రసాద్‌కు చంద్రబాబు ఒక స్పష్టత ఇచ్చారని తెలిపారు. పరోక్షంగా వసంత కృష్ణ ప్రసాద్ మైలవరం నుంచే పోటీ చేస్తారని అయ్యన్న పాత్రుడు సంకేతాలు ఇచ్చారు. వసంత కుటుంబం మళ్లీ టీడీపీలోకి రావడం చాలా సంతోషంగా ఉందన్నారు. రాష్ట్ర భవిష్యత్తు బాగుండాలి అంటే టీడీపీ - జనసేన నేతలు కలిసి పనిచేయాలని సూచించారు. చిన్న, చిన్న విభేదాల కారణంగా దూరం పెంచుకోకూడదని అయ్యన్న పాత్రుడు చెప్పారు.
రాష్ట్ర భవిష్యత్తు కోసం చంద్రబాబు సీఎం కావాలి: వసంత నాగేశ్వరరావు
జగన్ ప్రజా సమస్యలను విస్మరించారని వసంత నాగేశ్వరరావు అన్నారు. వసంత కృష్ణ ప్రసాద్ రెండు రోజుల్లో టీడీపీలోకి వస్తున్నారని నాగేశ్వరరావు తెలిపారు. చంద్రబాబు నాయుడు ముఖ్యమంత్రి కావాలని వసంత నాగేశ్వరరావు చెప్పారు. రాష్ట్ర భవిష్యత్తు బాగుండాలి అంటే చంద్రబాబు ముఖ్యమంత్రి కావాలని వసంత నాగేశ్వరరావు ఆకాక్షించారు.
Updated Date - Feb 25 , 2024 | 10:36 PM
