Kesineni Nani: మీకు కావాల్సింది మసాలేగా.. తినబోతూ రుచులెందుకు?.. మీడియాపై కేశినేని నాని సంచలన వ్యాఖ్యలు
ABN, Publish Date - Jan 05 , 2024 | 12:06 PM
Andhrapradesh: ఫేస్‌బుక్ పోస్ట్‌లో అన్ని వివరాలు సవివరంగా పెట్టానని.. అంతకు మించి కొత్తగా చెప్పేదేమీ లేదని విజయవాడ ఎంపీ కేశినేని నాని అన్నారు. శుక్రవారం కేశినేనిభవన్‌లో మీడియాతో నిర్వహించిన చిట్‌చాట్‌లో ఎంపీ మాట్లాడుతూ.. రాముడికి ఆంజనేయ భక్తి తరహాలోనే అధినేత ఆదేశాలు శిరసావహిస్తా అని స్పష్టంగా ఫేస్‌బుక్‌లో పెట్టానన్నారు.
అమరావతి, జనవరి 5: ఫేస్‌బుక్ పోస్ట్‌లో అన్ని వివరాలు సవివరంగా పెట్టానని.. అంతకు మించి కొత్తగా చెప్పేదేమీ లేదని విజయవాడ ఎంపీ కేశినేని నాని అన్నారు. శుక్రవారం కేశినేనిభవన్‌లో మీడియాతో నిర్వహించిన చిట్‌చాట్‌లో ఎంపీ మాట్లాడుతూ.. రాముడికి ఆంజనేయ భక్తి తరహాలోనే అధినేత ఆదేశాలు శిరసావహిస్తా అని స్పష్టంగా ఫేస్‌బుక్‌లో పెట్టానన్నారు.
‘‘మీడియాకు కావాల్సింది మసాలెనేగా. తినబోతూ రుచులెందుకు, అన్ని విషయాలు ఒకే రోజెందుకు? ఈ రోజు విషయం రేపటికి కరెక్ట్ కాకపోవచ్చు, రేపటి విషయం ఎల్లుండి కరెక్ట్ కాకపోవచ్చు? అది ఎవరికి ఎలా అర్ధమైతే అలా ఇచ్చుకోండి, మీడియాను పట్టించుకోవటం ఎప్పుడో మానేశా. రేవంత్ రెడ్డి దొంగా అంటూ ఓ వర్గం మీడియా తెలంగాణ ఎన్నికల్లో ఏదేదో ప్రచారం చేసింది. ఇప్పుడు అదే రేవంత్ రెడ్డి సీఎం అయి కూర్చున్నాడు.. మీడియా ఏం పీకగలిగింది. 2024 మే వరకూ నేనే విజయవాడ ఎంపీని. నా రాజకీయ భవిష్యత్తు ఏంటో విజయవాడ ప్రజలే నిర్ణయిస్తారు. గొడవలు పడటం నా నైజం కాదు, అంతమాత్రాన అది చేతకానితనం కాదు. తిరువూరు సభ గొడవ లేకుండా జరగాలనే దూరంగా ఉండాలనుకున్నా. లోకేష్ యువగళం పాదయాత్ర విజయవాడలో ప్రశాంతంగా సాగాలనే నేను దూరంగా ఉన్నా’’ అంటూ ఎంపీ పేర్కొన్నారు.
ఒక ఫ్లైట్ కాకుంటే ఇంకోటి.. ఢిల్లీ వెళ్లడం మాత్రం ఖాయం...
మూడోసారి విజయవాడ ఎంపీగా హ్యాట్రిక్ సాధిస్తానని.. ఢిల్లీ వెళ్లడం అనేది ఖాయమని ఎంపీ ధీమా వ్యక్తం చేశారు. ఢిల్లీ వెళ్లాలంటే ఒక ఫ్లైట్ కాకుంటే ఇంకొకటి చూసుకోవాలి కదా అని అన్నారు. ఏ ఫ్లైట్ ఖాళీ లేకపోయితే ప్రైవేట్ జెట్‌లో వెళ్ళాలి కదా అంటూ వ్యాఖ్యలు చేశారు. తాను చంద్రబాబుకు వెన్నుపోటు పొడవలేదని.. పొడిస్తే ఇంకా మంచి పదవిలో ఉండేవాడిన్నారు. ‘‘నేను వద్దని చంద్రబాబు అనుకున్నారని... నేను అనుకోలేదు. నా మీద, విజయవాడ ప్రజల మీద నాకు నమ్మకం ఉంది. నేను ఇండిపెండెంట్‌గా పోటీ చేసినా గెలుస్తానని గతంలోనే చెప్పాను. నేనేం చేయాలో కాలమే నిర్ణయిస్తుంది. పదేళ్లుగా విజయవాడకు ఎంతో అభివృద్ధి చేశారు అటువంటి నేను ఖాళీగా ఉంటే అభిమానులు కార్యకర్తలు ఊరుకుంటారా’’ అంటూ ఎంపీ కేశినేని నాని ఆసక్తకర వ్యాఖ్యలు చేశారు.
మరిన్ని ఏపీ వార్తల కోసం ఇక్కడ క్లిక్ చేయండి...
Updated Date - Jan 05 , 2024 | 12:17 PM
