MLA Daggupati Prasad: సరికొత్త ఒరవడికి శ్రీకారం చుట్టిన ఎమ్మెల్యే దగ్గుపాటి
ABN, Publish Date - Jul 04 , 2024 | 01:21 PM
అనంతపురం అర్బన్ నియోజకవర్గంలో ఎమ్మెల్యే దగ్గుపాటి ప్రసాద్ సరికొత్త ఒరవడికి శ్రీకారం చుట్టారు. ఎన్నికలు ముగిశాయని.. ఇక రాజకీయాలు ఉండవన్నారు. మేయర్, కార్పొరేటర్లతో కలసి అభివృద్ధి వైపు అడుగులు వేస్తామని తెలిపారు.
అనంతపురం: అనంతపురం అర్బన్ నియోజకవర్గంలో ఎమ్మెల్యే దగ్గుపాటి ప్రసాద్ సరికొత్త ఒరవడికి శ్రీకారం చుట్టారు. ఎన్నికలు ముగిశాయని.. ఇక రాజకీయాలు ఉండవన్నారు. మేయర్, కార్పొరేటర్లతో కలసి అభివృద్ధి వైపు అడుగులు వేస్తామని తెలిపారు. తొలిసారి నగరపాలక సంస్థ కార్యాలయానికి దగ్గుపాటి వచ్చారు. ఆయనకు మేయర్, డిప్యూటీ మేయర్లు, అధికారులు సాదరంగా స్వాగతం పలికారు.
అంతా కలసి ఐక్యంగా సమీక్షా సమావేశం నిర్వహించారు. డంపింగ్ యార్డులో అక్రమాలు జరిగాయని తన దృష్టికి వచ్చిందని దగ్గుపాటి ప్రసాద్ తెలిపారు. దీనిపై కచ్చితంగా విచారణ జరుగుతుందని.. బాధ్యులపై చర్యలు తీసుకుంటామన్నారు. అండర్ గ్రౌండ్ డ్రైనేజీ, తాగునీరు ఇతర సమస్యల్ని ముఖ్యమంత్రి చంద్రబాబు నాయుడు దృష్టికి తీసుకెళ్తానన్నారు. అన్ని సమస్యలకు త్వరలోనే పరిష్కారం చూపిస్తామని దగ్గుపాటి ప్రసాద్ తెలిపారు.
Updated Date - Jul 04 , 2024 | 01:21 PM
