Bride Kidnap: షాకింగ్ ఘటన.. కంట్లో కారం కొట్టి, పెళ్లికూతురిని ఈడ్చుకెళ్తూ..
ABN, Publish Date - Apr 22 , 2024 | 03:00 PM
పెళ్లి జరుగుతున్న సమయంలో కొందరు మండపంలోకి దూసుకురావడం, పీటలపై ఉన్న పెళ్లికూతురిని కిడ్నాప్ చేయడం వంటి సంఘటనలు సినిమాల్లో చాలానే చూశాం. ఇప్పుడు నిజ జీవితంలోనే అలాంటి ఘటనే చోటు చేసుకుంది. ఓ మండపంలోకి కొందరు దుండగులు దూరి..
పెళ్లి జరుగుతున్న సమయంలో కొందరు మండపంలోకి దూసుకురావడం, పీటలపై ఉన్న పెళ్లికూతురిని కిడ్నాప్ చేయడం వంటి సంఘటనలు సినిమాల్లో (Movies) చాలానే చూశాం. ఇప్పుడు నిజ జీవితంలోనే అలాంటి ఘటనే చోటు చేసుకుంది. ఓ మండపంలోకి కొందరు దుండగులు దూరి.. పెళ్లి పెద్దలు, బంధుమిత్రుల కళ్లపై కారం చల్లి.. పెళ్లికూతురిని ఎత్తుకెళ్లే ప్రయత్నం చేశారు. ఇందుకు సంబంధించిన వీడియో ప్రస్తుతం సోషల్ మీడియాలో చక్కర్లు కొడుతోంది. ఆంధ్రప్రదేశ్‌లో (Andhra Pradesh) చోటు చేసుకున్న ఈ సంఘటన స్థానికంగా తీవ్ర కలకలం రేపుతోంది. పూర్తి వివరాల్లోకి వెళ్తే..
శ్రీకాళహస్తిలో సీన్‌ రివర్స్‌.. మధుసూదన్‌రెడ్డికి ఎదురుగాలి
రాజమండ్రి రూరల్ కడియంలో ఒక పెళ్లి ఘనంగా జరుగుతోంది. బంధుమిత్రుల సమక్షంలో ఈ పెళ్లి అంగరంగ వైభవంగా నిర్వహించారు. ఇక కాసేపట్లోనే పెళ్లి జరగబోతుందనగా.. కొందరు దుండగులు ఒక్కసారిగా మండపంలోకి దూరారు. మొదట్లో ప్రేమగా మాట్లాడుతూ లోనికి వచ్చారు. సరిగ్గా పీటల దగ్గరికి చేరుకున్నాక ఆ దుండగులు ఒక్కసారిగా చెలరేగిపోయారు. అమ్మాయి కుటుంబ సభ్యులతో పాటు చుట్టూ ఉన్న బంధుమిత్రులు, అతిథుల కళ్లపై కారం చల్లారు. అక్కడి నుంచి పెళ్లికూతురిని ఎత్తుకెళ్లేందుకు ప్రయత్నించారు. అయితే.. అమ్మాయి తరఫు వ్యక్తులు కూడా గట్టిగానే ప్రతిఘటించారు. అమ్మాయిని తీసుకెళ్లనివ్వకుండా వారిని అడ్డుకున్నారు. ఆ దుండగుల నుంచి ఆమెని కాపాడేందుకు తీవ్రంగా ప్రయత్నించారు. అప్పటికీ ఆగని దుండగులు.. తమకు అడ్డుగా వస్తున్న వాళ్లపై కంట్లో కారం కొడుతూ కనిపించారు.
వెలుగొండ పూర్తి చేయకుండా ఇన్నాళ్లు గాడిదలు కాశారా? .. షర్మిల ఫైర్
అయితే.. ఆ దుండగులు అమ్మాయిని తీసుకెళ్లారా? లేదా? అనే వివరాలు తెలియాల్సి ఉంది. అలాగే.. పెళ్లికూతురిని కిడ్నాప్ చేసేందుకు ప్రయత్నించిన ఆ దుండగులు ఎవరు? అసలు ఎందుకు ఎత్తుకెళ్లేందుకు ప్రయత్నించారు? అనే డీటెయిల్స్ కూడా వెలుగులోకి రావాల్సి ఉంది. బహుశా.. ఈ కిడ్నాప్ యత్నం వెనుక ‘ప్రేమ’ వ్యవహారం ఉండొచ్చేమోనని అభిప్రాయాలు వ్యక్తమవుతున్నాయి. ఈ ఘటనకు సంబంధించిన వీడియో నెట్టింట్లో వైరల్ అవుతోంది.
Read Latest Andhra Pradesh News and Telugu News
Updated Date - Apr 22 , 2024 | 05:12 PM
