AP News: బెల్ట్ షాపుల వేలంపై దండోరా.. సోషల్ మీడియాలో వైరల్
ABN, Publish Date - Feb 21 , 2024 | 12:28 PM
Andhrapradesh: అనకాపల్లి జిల్లాలో ఇసుక, బెల్ట్ షాపుల నిర్వాహకులు బరితెగుంపులకు పాల్పడ్డారు. ప్రభుత్వ నిబంధనలకు విరుద్దంగా ఇసుక, అనధికార బెల్ట్ షాపుల వేలంపాటపై దండోరా వేయించారు. ఈ దండోరా దృశ్యాలు సోషల్ మీడియాలో వైరల్‌గా మారాయి.
అనకాపల్లి, ఫిబ్రవరి 21: అనకాపల్లి జిల్లాలో ఇసుక, బెల్ట్ షాపుల నిర్వాహకులు బరితెగుంపులకు పాల్పడ్డారు. ప్రభుత్వ నిబంధనలకు విరుద్దంగా ఇసుక, అనధికార బెల్ట్ షాపుల వేలంపాటపై దండోరా వేయించారు. ఈ దండోరా దృశ్యాలు సోషల్ మీడియాలో వైరల్‌గా మారాయి. అయితే ఆదివారం పంచాయితీ కార్యాలయంలో ఇసుక, బెల్ట్ షాపులపై వేలంపాట నిర్వహించారని పంచాయితీ సెక్రటరీ అంగీకరించారు. వేలంపాట జరిగినట్టు తమకు సమాచారం లేదని వెదురుపర్తి పంచాయితీ కార్యదర్శి ఆనంద్ చెప్పారు. ఆదివారం సెలవు దినం కావడంతో పంచాయితీ కార్యాలయం తాళాలు క్రిందస్థాయి సిబ్బందికి ఇచ్చామన్నారు. వేలంపాట జరిగే క్రమంలో ఘర్షణ చెలరేగడంతో అక్కడ నుంచి వెళ్లిపోయారని తెలిసిందన్నారు. వైసీపీ నేతల ఒత్తిడితోనే వేలంపాట నిర్వహించినట్టు గ్రామస్తులు అనుమానిస్తున్నట్లు తెలిపారు. పంచాయితీ కార్యాలయంలో ప్రభుత్వ నిబంధనలకు విరుద్ధంగా ఎటువంటి కార్యక్రమాలు చేపట్టకూడదని ఆనంద్ స్పష్టం చేశారు.
మరిన్ని ఏపీ వార్తల కోసం ఇక్కడ క్లిక్ చేయండి...
Updated Date - Feb 21 , 2024 | 12:28 PM
