Ivy Guard: దొండకాయ తినడం వల్ల కలిగే ఈ ఆరోగ్య లాభాలుంటాయని తెలుసా?
ABN, Publish Date - May 09 , 2024 | 12:11 PM
. బోలెడు ఆరోగ్య ప్రయోజనాలు కలిగించినా చాలా తక్కువగా వాడే కూరగాయలలో దొండకాయ ఒకటి. చిన్నగా వేలెడంత పొడుగు ఉండే ఈ దొండకాయలు లేతగా ఉన్నప్పుడు చాలా రుచిగా ఉంటాయి.
కూరగాయలు ఆరోగ్యానికి చాలా ప్రయోజనం చేకూరుస్తాయి. ప్రతి కూరగాయ వెనుకా కొన్ని ప్రత్యేక లాభాలుంటాయి. బోలెడు ఆరోగ్య ప్రయోజనాలు కలిగించినా చాలా తక్కువగా వాడే కూరగాయలలో దొండకాయ ఒకటి. చిన్నగా వేలెడంత పొడుగు ఉండే ఈ దొండకాయలు లేతగా ఉన్నప్పుడు చాలా రుచిగా ఉంటాయి. ఇందులో పోషకాలు ఏంటో.. వీటిని ఆహారంలో భాగం చేసుకుంటే కలిగే ఆరోగ్య ప్రయోజనాలు ఏంటో తెలుసుకుంటే..
పోషకాలు..
దొండకాయలో విటమిన్ సి, విటమిన్ ఎ, విటమిన్ బి, ఐరన్, కాల్షియం, పొటాషియంతో సహా అవసరమైన విటమిన్లు, ఖనిజాలు అన్నీ ఉంటాయి.
అక్షయ తృతీయ గురించి ఈ నిజాలు తెలుసా..?
ప్రయోజనాలు..
దొండకాయ రక్తంలో చక్కెర స్థాయిలను నియంత్రించడంలో సహాయపడుతుంది. ఇందులో కనిపించే సమ్మేళనాలు హైపోగ్లైసీమిక్ లక్షణాలను కలిగి ఉండవచ్చని అధ్యయనాలు సూచిస్తున్నాయి. ఇది మధుమేహం ఉన్న వ్యక్తులకు, మధుమేహం వచ్చే అవకాశం ఉన్నవారికి చాలా మంచిది. ఆహారంలో దొండకాయలను చేర్చుకోవడం వల్ల రక్తంలో గ్లూకోజ్ స్థాయిలు నియంత్రణలో ఉండటానికి, ఇన్సులిన్ సెన్సిటివిటీని మెరుగుపరచడంలో సహాయపడుతుంది.
దొండకాయలో ఐరన్ కంటెంట్ ఎక్కువగా ఉంటుంది. ఐరన్ శరీరం అంతటా ఆక్సిజన్‌ను రవాణా చేయడానికి అవసరమైన ఖనిజం దీని లోపం అలసటకు దారితీస్తుంది. ఆహారంలో దొండకాయ వంటి ఐరన్-రిచ్ ఫుడ్స్‌ని చేర్చుకోవడం వల్ల అలసటను ఎదుర్కోవడంలో సహాయపడుతుంది.
వెన్నునొప్పి వేధిస్తోందా? ఈ 6 వ్యాయామాలతో ఇట్టే మాయం..!
తక్కువ కేలరీలు, ఎక్కువ డైటరీ ఫైబర్‌ ఉన్న కారణంగా దొండకాయ జీర్ణక్రియలో సహాయపడుతుంది. కడుపు నిండిన ఫీల్ ఇస్తుంది. అతిగా తినడాన్ని నిరోధించడంలో సహాయపడుతుంది. దొండకాయను ఆహారంలో తీసుకుంటే దీని ప్రభావం వల్ల అనారోగ్యకరమైన ఆహారాలను తినే అవకాశం తగ్గుతుంది. బరువు తగ్గడంలో సహాయపడుతుంది.
పుచ్చకాయల మాదిరిగానే దొండకాయలో నాడీ వ్యవస్థ పనితీరుకు కీలకమైన బి విటమిన్లు ఉంటాయి. ఈ విటమిన్లు నరాల ప్రేరణ ప్రసారంలో పాత్ర పోషిస్తాయి. మొత్తం నరాల ఆరోగ్యానికి దోహదం చేస్తాయి
(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)
వెన్నునొప్పి వేధిస్తోందా? ఈ 6 వ్యాయామాలతో ఇట్టే మాయం..!
అక్షయ తృతీయ గురించి ఈ నిజాలు తెలుసా..?
మరిన్ని ఆరోగ్య వార్తల కోసం.. ఇక్కడ క్లిక్ చేయండి.
Updated Date - May 09 , 2024 | 12:11 PM
